Wó pólach

Póla se za daty wužywaju, kótarež se w dokumenśe změnjaju, na pśikład aktualny datum abo cełkowna licba bokow w dokumenśe.

Póla pokazaś

Póla se z pólnego mjenja a pólnego wopśimjeśa zestajaju. Aby pólne pokazanje mjazy pólnym mjenim abo pólnym wopśimjeśim pśešaltował, wubjeŕśo Naglěd – Pólne mjenja.

Aby pólne wuzwignjenje w dokumenśe pokazał abo schował, wubjeŕśo Naglěd – Pólne wósni. Aby toś tu funkciju na pśecej znjemóžnił, wubjeŕśo – LibreOffice – Nałožeńske barwy a wótwónoźćo kokulku z kontrolnego kašćika pśed Pólne wósni.

Aby barwu pólnych wósenjow změnił, wubjeŕśo LibreOffice – Nałožeńske barwy, pytajśo nastajenje Pólne wósni a wubjeŕśo pón drugu barwu w pólu Barwne nastajenje.

Pólne kakosći

Nejwěcej pólnych typow w dokumenśe, mjazy nimi póla datoweje banki, wariabelne gódnoty składujo a pokazujo.

Slědujuce pólne typy akciju wuwjedu, gaž na pólo klikaśo:

Pólny typ

Kakosć

Zastupujucy symbol

Wócynja dialog, w kótaremž móžośo objekt zasajźiś, kótaryž zastupujucemu symboloju wótpówědujo, mimo tekstowych zastupujucych symbolow. Za tekstowe zastupujuce symbole klikaśo na zastupujucy symbol a pśepišćo jen.

Referencu zasajźiś

Gibjo pokazowak myški k referency.

Makro wuwjasć

Wuwjeźo makro.

Zapódawańske pólo

Wócynja dialog za wobźěłowanje póla.


Póla aktualizěrowaś

Aby wšykne póla w dokumenśe aktualizěrował, tłocćo F9 abo wubjeŕśo Wobźěłaś – Wšykne wubraś a tłocćo pón F9.

Aby pólo aktualizěrował, kótarež jo se zasajźiło z datoweje banki, wubjeŕśo pólo a tłocćo pón F9.

Symbol za Notica

Zastupujuce symbole se njeaktualizěruju.


Pšosym pódprějśo nas!