Numerěrowanje za nadpisma

Wužywajśo dialog Nadpismowe numerěrowanje, aby nadpismam numerěrowanje pśidał. Rozdźělne rowniny w dialogu wam zmóžnjaju, rozdźělne nadpisma ako rozrědowańsku strukturu za waš dokument pśipokazaś. W standardnych nastajenjach jo wótstawkowa pśedłoga „Nadpismo 1“ rozrědowańskej rowninje 1 pśipokazana. Płaśi ako nejwuša rownina w rozrědowańskej strukturje dokumenta. Wótstawkowa pśedłoga „Nadpismo 2“ se rozrědowańskej rowninje 2 pśipokazujo a tak dalej. Móžośo teke dialog wužywaś, aby swójsku wótstawkowu pśedłogu ako nadpismo w dokumentowej strukturje pśipokazał.

Nadpismo awtomatiske numerěrowanje pśidaś

  1. Wubjeŕśo Rědy – Nadpismowe numerěrowanje a klikniśo pón na rejtarik Numerěrowanje.

  2. Wubjeŕśo rowninu, kótaraž se ma konfigurěrowaś.

  3. Wubjeŕśo w pólu Wótstawkowa pśedłoga wótstawkowu pśedłogu za wubranu rowninu.

  4. Wubjeŕśo w pólu Numer numerěrowańsku šemu, kótaruž cośo za to nadpismo wužywaś a klikniśo pón na W pórěźe.

Awtomatiske numerěrowanje z nadpisma wótwónoźeś

  1. Klikniśo za numerom na zachopjeńk teksta do nadpismowego wótstawka.

  2. Tłocćo slědktastu (←/⌫), aby numer wulašował.

  3. Tłocćo Umsch (⇧)+Slědktasta (←/⌫) z kursorom na zachopjeńku nadpisma, aby numer wrośił.

Toś ta procedura numerěrowanje za jadnotliwe nadpismo wótwónoźujo. Aby awtomatiske numerěrowanje za wšykne nadpisma wótwónoźeł abo změnił, wužywajśo dialog Nadpismowe numerěrowanje.

Swójsku wótstawkowu pśedłogu ako nadpismo wužywaś

  1. Wubjeŕśo Rědy – Nadpismowe numerěrowanje a klikniśo pón na rejtarik Numerěrowanje.

  2. Klikniśo na rowninu, kótaruž cośo swójskej wótstawkowej pśedłoze w lisćinje Rownina pśipokazaś.

  3. Wubjeŕśo swójsku pśedłogu w pólu Wótstawkowa pśedłoga.

  4. Klikniśo na W pórěźe.

Pšosym pódprějśo nas!