Pśedłogu boka na zakłaźe aktualnego boka napóraś

Móžośo wugótowanje boka naceriś a pón pśedłogu boka na jogo zakłaźe napóraś.

Móžośo na pśikład pśedłogu boka napóraś, kótaraž wěstu głowowu smužku pokazujo a drugu pśedłogu boka, kótaraž drugu głowowu smužku pokazujo.

1. Wócyńśo nowy tekstowy dokument, wubjeŕśo Naglěd – Formatowe pśedłogi a klikniśo pón na symbol Pśedłogi boka.

2. Klikniśo na symbol Stilowe akcije a wubjeŕśo Nowa pśedłoga z wuběrka z pódmenija.

3. Zapódajśo mě za bok w pólu Nowe mě pśedłogi zapódaś a klikniśo pón na W pórěźe.

4. Kliniśo dwójcy na mě w lisćinje, aby pśedłogu na aktualny bok nałožył.

5. Wubjeŕśo Zasajźiś – Głowowa a nogowa smužka – Głowowa smužka a wubjeŕśo nowu pśedłogu boka z lisćiny.

6. Zapódajśo tekst, kótaryž ma w głowowej smužce byś. Stajśo kursor do głownego tekstowego póla zwenka głowoweje smužki.

7. Wubjeŕśo Zasajźiś – Dalšne łamanja – Manuelne łamanje….

8. Wubjeŕśo we wobceŕku Typ Łamanje boka a pón „Standard“ z póla Pśedłoga boka.

9. Wóspjetujśo kšace 2-6, aby drugu swójsku pśedłogu boka z drugeju głowoweju smužku napórał.