Pópisanjam nadpismowe numery pśidaś

Móžośo nadpismowe numery do pópisanjow zasajźiś.

Zawěsććo, až waš dokument ma nadpisma. Móžośo pśeddefiněrowane wótstawkowe pśedłogi „Nadpismo [1–10]“ wužywaś. Musyśo teke nadpismowym wótstawkowym pśedłogam numerěrowańsku šemu pśipokazaś. Wužywajśo Rědy – Nadpismowe numerěrowanje….

1. Wubjeŕśo objekt, kótaryž ma pópisanje dostaś.

2. Wubjeŕśo Zasajźiś – Pópisanje….

3. Wubjeŕśo typ pópisanja z póla Kategorija a wubjeŕśo numerěrowańsku šemu w pólu Numerěrowanje. Móžośo na žycenje tekst pópisanja do póla Pópisanje zapódaś.

4. Klikniśo na Nastajenja….

5. Wubjeŕśo w pólu Až do rowniny rozrědowańsku rowninu nadpismowego numera, kótaraž se ma pśed numerom pópisanja pokazaś.

6. Zapódajśo znamuško, kótarež se ma mjazy numerom nadpisma a numerom pópisanja w pólu Źěleńske znamuško zjawiś a klikniśo pón na W pórěźe.

7. Klikniśo w dialogu Pópisanje na W pórěźe.

Jolic pópisanje jo južo do dokumenta zasajźone, klikniśo z pšaweju tastu na numer pópisanja, wubjeŕśo Póla wobźěłaś a zapódajśo pón gódnoty za Až do rowniny a Źěleńske znamuško.