Pópisanja wužywaś
W tekstowych dokumentach móžośo grafikam, tabelam, wobłukam a kresleńskim objektam běžnje numerěrowane pópisanja pśidaś.
Móžośo tekst a numerowe wobceŕki za rozdźělne typy pópisanjow wobźěłaś.
Gaž wobrazoju abo objektoju pópisanje pśidawaśo, se objekt a tekst pópisanja gromaźe do nowego wobłuka stajatej. Gaž tabeli pópisanje pśidawaśo, se tekst pópisanja ako wótstawk pódla tabele zasajźijo. Gaž wobłukoju pópisanje pśidawaśo, se tekst pópisanja tekstoju we wobłuku pśidawa, pak pśed pak za eksistěrujucym tekstom.
Aby objekt ako teke pópisanje pśesunuł, śěgniśo wobłuk, kótaryž toś tej elementa wopśimujo. Aby numerěrowanje pópisanja aktualizěrował, za tym až sćo pśesunuł wobłuk, tłocćo F9.
Aby pópisanje definěrował, póstupujśo ako slědujo:
-
Wubjeŕśo element, kótaremuž cośo pópisanje pśidaś.
-
Wubjeŕśo Zasajźiś – Pópisanje….
-
Wubjeŕśo póžedane nastajenja a klikniśo na . Jolic cośo, móžośo teke drugi tekst do póla zapódaś, na pśikład Grafika.
Móžośo tekst pópisanja direktnje w dokumenśe wobźěłaś.
Pópisanje se z wótstawkoweju pśedłogu formatěrujo, kótaraž mjenjeju kategorije pópisanja wótpowědujo. Jolic na pśikład pópisanje „Tabela“ zasajźujośo, se wótstawkowa pśedłoga „Tabela“ na tekst pópisanja nałožujo.
LibreOffice móžo pópisanje awtomatiski pśidaś, gaž objekt, grafiku, wobłuk abo tabelu zasajźujośo. Wubjeŕśo LibreOffice – NastajenjaRědy – Nastajenja… – LibreOffice Writer – Awtomatiske pópisanje.