Ramiki za boki definěrowaś
We Writer móžośo ramiki za pśedłogi bokow definěrowaś, nic pak za jadnotliwe boki. Wšykne změny, kótarež na ramikach pśewjeźośo, se na wšykne boki nałožuju, kótarež samski stil boka wužywaju. Źiwajśo na to, až se změny pśedłogi boka njedaju se w LibreOffice z funkciju Anulěrowaś anulěrowaś.
Pśeddefiněrowany ramikowy stil nastajiś
-
Wubjeŕśo Format - Pśedłoga boka… – rejtarik: Ramiki.
-
Wubjeŕśo jaden ze standardnych ramikowych stilow we wobceŕku Standard.
-
Wubjeŕśo linijowy stil, šyrokosć a barwu za wubrany ramikowy stil we wobceŕku Linija. Toś te nastajenja se na wšykne ramikowe linije nałožuju, kótarež su we wubranem ramikowem stilu wopśimjone.
-
Wubjeŕśo wótkłon mjazy ramikowymi linijami a wopśimjeśim boka we wobceŕku Nutśikowny wótkłon. Móžośo jano wótkłony za kšomy změniś, za kótarež ramikowa linija jo definěrowana.
-
Klikniśo na W pórěźe, aby změny nałožył.
Swójski ramikowy stil nastajiś
-
Wubjeŕśo Format - Pśedłoga boka… – rejtarik: Ramiki.
-
Wubjeŕśo we wobceŕku Swójski kšomy, źož maju se w zgromadnem wugótowanju zjawiś. Klikniśo na kšomu w pśeglěźe, aby wuběrk kšomy pśešaltował.
-
Wubjeŕśo linijowy stil, šyrokosć a barwu za wubrany ramikowy stil we wobceŕku Linija. Toś te nastajenja se na wšykne ramikowe linije nałožuju, kótarež su we wubranem ramikowem stilu wopśimjone.
-
Wóspjetujśo slědnej dwa kšaca za kuždu ramikowu kšomu.
-
Wubjeŕśo wótkłon mjazy ramikowymi linijami a wopśimjeśim boka we wobceŕku Nutśikowny wótkłon. Móžośo jano wótkłony za kšomy změniś, za kótarež ramikowa linija jo definěrowana.
-
Klikniśo na W pórěźe, aby změny nałožył.