Ramiki za objekty definěrowaś

We Writer móžośo ramiki wokoło OLE-objektow, tykacow, diagramow, grafikow a wobłukow definěrowaś. Mě menija, kótaryž se ma wužywaś, wót wubranego objekta wótwisujo.

Pśeddefiněrowany ramikowy stil nastajiś

1. Wubjeŕśo objekt, za kótaryž cośo ramik definěrowaś.

2. Klikniśo na symbol Ramiki na symbolowej rědce OLE-objekt abo na symbolowej rědce Wobłuk, aby wokno Ramiki wócynił.

3. Klikniśo na jaden z pśeddefiněrowanych ramikowych stilow. To aktualny ramikowy stil objekta z wubranym stilom wuměnijo.

Swójski ramikowy stil nastajiś

1. Wubjeŕśo objekt, za kótaryž cośo ramik definěrowaś.

2. Wubjeŕśo Format – (objektowe mě) – Ramiki.
   Wuměńśo (objektowe mě) z tuchylnym mjenim objektowego typa, kótaryž sćo wubrał.

3. Wubjeŕśo we wobceŕku Swójski kšomy, źož maju se w zgromadnem wugótowanju zjawiś. Klikniśo na kšomu w pśeglěźe, aby wuběrk kšomy pśešaltował.

4. Wubjeŕśo linijowy stil a barwu za wubrany ramikowy stil we wobceŕku Linija. Toś te nastajenja se na wšykne ramikowe linije nałožuju, kótarež su we wubranem ramikowem stilu wopśimjone.

5. Wóspjetujśo slědnej dwa kšaca za kuždu ramikowu kšomu.

6. Wubjeŕśo wótkłon mjazy ramikowymi linijami a wopśimjeśim boka we wobceŕku Nutśikowny wótkłon.

7. Klikniśo na W pórěźe, aby změny nałožył.