Ramiki za znamuška definěrowaś
Jolic ramikowe kakosći dweju susedneju tekstoweju wobceŕkowu su identiske (samski stil, samska šyrokosć, samska barwa, samski nutśikowny wótkłon a samski seń), maju tej dwa wobceŕka za źěl samskeje ramikoweje kupki a zwobraznjujotej se ze samskim ramikom w dokumenśe.
Pśeddefiněrowany ramikowy stil nastajiś
-
Wubjeŕśo wobceŕk znamuškow, wokoło kótaregož cośo ramik pśidaś.
-
Wubjeŕśo Format –Znamuško… – rejtarik: Ramiki.
-
Wubjeŕśo jaden ze standardnych ramikowych stilow we wobceŕku Standard.
-
Wubjeŕśo linijowy stil, šyrokosć a barwu za wubrany ramikowy stil we wobceŕku Linija. Toś te nastajenja se na wšykne ramikowe linije nałožuju, kótarež su we wubranem ramikowem stilu wopśimjone.
-
Wubjeŕśo wótkłon mjayz ramikowymi linijami a wubranymi znamuškami we wobceŕku Nutśikowny wótkłon. Móžośo jano wótkłony za kšomy změniś, za kótarež ramikowa linija jo definěrowana.
-
Klikniśo na W pórěźe, aby změny nałožył.
Swójski ramikowy stil nastajiś
-
Wubjeŕśo wobceŕk znamuškow, wokoło kótaregož cośo ramik pśidaś.
-
Wubjeŕśo Format –Znamuško… – rejtarik: Ramiki.
-
Wubjeŕśo we wobceŕku Swójski kšomy, źož maju se w zgromadnem wugótowanju zjawiś. Klikniśo na kšomu w pśeglěźe, aby wuběrk kšomy pśešaltował.
-
Wubjeŕśo linijowy stil, šyrokosć a barwu za wubrany ramikowy stil we wobceŕku Linija. Toś te nastajenja se na wšykne ramikowe linije nałožuju, kótarež su we wubranem ramikowem stilu wopśimjone.
-
Wóspjetujśo slědnej dwa kšaca za kuždu ramikowu kšomu.
-
Wubjeŕśo wótkłon mjayz ramikowymi linijami a wubranymi znamuškami we wobceŕku Nutśikowny wótkłon. Móžośo jano wótkłony za kšomy změniś, za kótarež ramikowa linija jo definěrowana.
-
Klikniśo na W pórěźe, aby změny nałožył.