Awtomatiski tekst wužywaś

W LibreOffice Writer móžośo teke tekst – móžo teke grafiki, tabele a póla wopśimowaś – ako awtomatiski tekst składowaś, aby wy mógał tekst pózdźej malsnje zasajźiś. Jolic cośo, móžośo teke sformatěrowany tekst składowaś.

Zapisk awtomatiskego teksta napóraś

1. Wubjeŕśo tekst, tekst z grafikami, tabelu abo pólom, kótarež cośo ako zapisk awtomatiskego teksta składowaś. Grafika dajo se jano składowaś, jolic jo ako znamuško zakokulona a jo nanejmjenjej na kuždem boku pśez tekstowe znamuško wobdana.

2. Wubjeŕśo Rědy – Awtomatiski tekst….

3. Wubjeŕśo kategoriju, w kótarejž cośo awtomatiski tekst składowaś.

4. Zapódajśo mě, kótarež jo dlejše ako styri znamuška. To wam zmóžnja, nastajenje awtomatiskego teksta Pśi zapódaśu zbytk mjenja ako naraźenje pokazaś. Jolic cośo, móžośo naraźonu tastowu skrotconku změniś.

5. Klikniśo na tłocašk Awtomatiski tekst a wubjeŕśo pón Nowy.

6. Klikniśo na tłocašk Zacyniś.

Zapisk awtomatiskego teksta zasajźiś

1. Klikniśo w swójom dokumenśe tam, źož cośo zapisk awtomatiskego teksta zasajźiś.

2. Wubjeŕśo Rědy – Awtomatiski tekst….

3. Wubjeŕśo awtomatiski tekst, kótaryž cośo zasajźiś a klikniśo pón na Zasajźiś.

Móžośo teke tastowu skrotconku za zapisk awtomatiskego teksta zapódaś a pón F3 tłocyś, abo na šypku pódla symbola Awtomatiski tekst na symbolowej rědce Zasajźiś kliknuś a pón zapisk awtomatiskego teksta wubraś.

Lisćinu zapiskow awtomatiskego teksta śišćaś

1. Wubjeŕśo Rědy – Makra – Makra zastojaś – LibreOffice Basic….

2. Wubjeŕśo w dialogu Makro Basic w bomowem pólu Makro z „Nałožeńske Makra – Gimmicks – Awtomatiski tekst“.

3. Wubjeŕśo „Main“ w lisćinje Eksistěrujuce makra w: AutoText a klikniśo pón na Wuwjasć. Lisćina aktualnych zapiskow awtomatiskego teksta se w separatnem tekstowem dokumenśe generěrujo.

4. Wubjeŕśo Dataja – Śišćaś….

Awtomatiski tekst w seśach

Móžośo zapiski awtomatiskego teksta w rozdźělnych zapisach w seśi składowaś.

Na pśikład móžośo pśeśiwo pisanjeju šćitane zapiski awtomatiskego teksta za swójo pśedewześe na centralnem serwerje składowaś, a swójske zapiski awtomatiskego teksta w lokalnem zapisu.

Sćažki za zapise awtomatiskego teksta daju se w konfiguraciji wobźěłaś.

Dwa zapisa stej tu naliconej. Prědny zapisk jo na serwerowej instalaciji a drugi zapisk jo we wužywaŕskem zapisu. Jolic daju zapiski ze samskim mjenim we wobyma zapisoma, se zapisk z wužywaŕskego zapisa wužywa.