Awtomatiska pšawopisna kontrola

LibreOffice móžo pšawopis awtomatiski pśi zapódawanju kontrolěrowaś a móžne wopak napisane słowa z cerwjeneju žwałkateju liniju pódšmarnuś.

Aby pšawopis awtomatiski pśi zapódawanju kontrolěrował

1. Wubjeŕśo Rědy – Awtomatiska pšawopisna kontrola.

2. Klikniśo z pšaweju tastu na słowo, kótarež jo z cerwjeneju žwałkateju liniju pódšmarnjone, a wubjeŕśo pón naraźone narownańske słowo z lisćiny abo z pódmenija Awtomatiska korektura.

Jolic słowo z pódmenija Awtomatiska korektura wuběraśo, se pódšmarnjone słowo a narownańske słowo awtomatiski lisćinje Awtomatiska korektura za aktualnu rěc pśidawatej. Aby lisćinu Awtomatiska korektura pokazał, wubjeŕśo Rědy – Awtomatiska korektura – Nastajenja awtomatiskeje korektury… a klikniśo pón na rejtarik Wuměniś.

Móžośo teke swójskemu słownikoju pódšmarnjone słowo pśidaś, gaž Pśidaś wuběraśo.

Słowa z pšawopisneje kontrole wuzamknuś

1. Wubjeŕśo słowa, kótarež cośo wuzamknuś.

2. Klikniśo na rěcny wóźeński element na statusowej rědce, aby meni wócynił.

3. Wubjeŕśo „Žeden“ (pšawopis njekontrolěrowaś).