Awtomatisku korekturu znjemóžniś

Pó standarźe LibreOffice pśi zapódawanju wjele cestych pisańskich zmólkow awtomatiski korigěrujo a formatěrowanje nałožujo.

Słowo z lisćiny awtomatiskeje korektury wótwónoźeś

  1. Wubjeŕśo Rědy – Nastajenja awtomatiskeje korektury….

  2. Klikniśo na rejtarik Wuměniś.

  3. Wubjeŕśo w lisćinje Awtomatiska korektura słowny pór, kótaryž cośo wótwónoźeś.

  4. Klikniśo na Wulašowaś.

Aby wuměnjenjeju pazorkow zajźował

  1. Wubjeŕśo Rědy – Nastajenja awtomatiskeje korektury….

  2. Klikniśo na rejtarik Nastajenja narodneje šemy

  3. Znjemóžniśo kontrolne kašćiki „Wuměniś“.

Aby wjelikopisanje prědnego pismika sady znjemóžnił

  1. Wubjeŕśo Rědy – Nastajenja awtomatiskeje korektury….

  2. Klikniśo na rejtarik Nastajenja.

  3. Wótwónoźćo kokulku z kontrolnego kašćika „Kuždu sadu z wjelikim pismikom zachopiś“.

Aby kreslenjeju linije zajźował, gaž tśi identiske znamuška zapódawaśo

LibreOffice awtomatiski liniju kresli, gaž tśi ze slědujucych znamuškow zapódawaśo a Enter tłocyśo: - _ = * ~ #

  1. Wubjeŕśo Rědy – Nastajenja awtomatiskeje korektury….

  2. Klikniśo na rejtarik Nastajenja.

  3. Wótwónoźćo kokulku z kontrolnego kašćika „Ramik nałožyś“.

Pšosym pódprějśo nas!