Pozicioněrowanje objektow

Objekt, na pśikład wobraz abo wobłuk, se w dokumenśe z pomocu kokulki pozicioněrujo, kótaraž jo k drugemu elementoju pśipowjesona.

Kokulka póśěgowy dypk za objekt póstaja. Póśěgowy dypk móžo bok abo wobłuk byś, źož objekt jo, wótstawk abo samo znamuško. Objekt pśecej kokulku ma.

Kokulka se z elementom pśesuwa, ku kótaremuž jo pśipowjesona, gaž se dokument wobźěłujo. Objekt swóju poziciju relatiwnje k póśěgowemu dypkoju wobchowajo, kótaryž jo pśez jogo kokulku póstajona, tak až se objekt, gažkuli se póśegowy dypk pśesuwa abo změnja, relatiwnje k njomu pśesuwa.

Slědujuce nastajenja zakokulenja su k dispoziciji:

Zakokulenje	Efekt
Ako znamuško	Zakokulujo wubrany objekt ako znamuško w aktualnem teksće. Jolic wusokosć wubranego objekta jo wětša ako aktualna pismowa wjelikosć, se wusokosć smužki, kótaraž objekt wopśimujo, pówětšujo. Aby wobraz na boku HTML centrěrował, zasajźćo wobraz, zakokulśo jen „ako znamuško“ a centrěrujśo pón wótstawk.
K znamuškoju	Zakokulujo wubrany objekt k wótstawkoju, kótaryž znamuško wopśimujo, ku kótaremuž kokulka jo pśipowjesona. Póśěgowy dypk za objekt jo zachopjeńk wótstawka, kótaryž znamuško wopśimujo. Jolic na pśikład wótstawk na dypku pśed kokulku źěliśo, se póśěgowy dypk k zachopjeńkoju nowego wótstawka pśesuwa a objekt relatiwnje k tomu dypkoju pśesuwa. Jolic wótstawk z tym pśed nim zwězujośo, se póśěgowy dypk k zachopjeńkoju skombiněrowanego wótstawka pśesuwa a objekt se k poziciji relatiwnje k njomu pśesuwa.
K wótstawkoju	Zakokulujo wubrany objekt k aktualnemu wótstawkoju.
K bokoju	Zakokulujo wubrany objekt k aktualnemu bokoju.
K wobłukoju	Zakokulujo wubrany objekt k wobdawajucemu wobłukoju.

Kokulku pśesunuś

Gaž forma, tekstowe pólo, OLE-objekt, wobraz abo wobłuk do swójogo dokumenta zasajźujośo, se symbol kokulki tam zjawijo, źož objekt jo zakokulony. Móžośo kokulku pśesunuś abo, gaž na druge objektowe wobgranicowanja źiwaśo, objekt relatiwnje k póśěgowemu dypkoju kokulki pozicioněrowaś, gaž objekt śěgaśo.

Kokulku změniś

Aby nastajenja zakokulenja objekta změnił, klikniśo z pšaweju tastu na objekt a wubjeŕśo pón nastajenje z pódmenija Kokulka.