Lisćinje pśidaś

Pśidajśo wubrane wótstawki, lěc ako lisćinowy zapisk abo nic, ako źěl lisćiny.

Lisćinowe pópisanje a formatěrowanje zasunjenjow se na wubrane wótstawki nałožuju. Pozicija wótstawkow se w dokumenśe njezměnja.

Njepósrědnje pjerwjejšnej lisćinje jaden na drugi slědujuce lisćinowe zapiski pśidaś

1. Wubjeŕśo jaden na drugi lisćinowy zapisk abo někotare z nich, zachopinajucy z prědnym zapiskom, kótaryž cośo direktnje pjerwjejšnej lisćinje pśidaś.

2. Klikniśo něźi z pšaweju tastu do wuzwignjonego wuběrka a wubjeŕśo Lisćina – Lisćinje pśidaś.

Lisćinje wubrane wótstawki pśidaś

1. Wubjeŕśo wótstawki, lěc su w lisćinje abo nic, kótarež se maju lisćinje pśidaś.

   Tłocćo tastu Strg a źaržćo ju tłoconu pó prědnem wuběrku za někotare wuběrki. Jano jadno znamuško musy se w kuždem wótstawku wubraś, kótaryž se ma pśidaś. Tasta Strg dajo se pušćiś, bźez togo, aby wuběrki zgubił, ale musy se tłocyś, gažkuli do dokumenta klikaśo, aby wy wuběrk wobchował.

2. Tłocćo tastu Strg a źaržćo ju tłoconu, wubjeŕśo nanejmjenjej jadno znamuško w lisćinje a pušććo pón tastu Strg.

3. Pśewjeźćo jaden ze slědujucych kšacow:

• Wubjeŕśo Format – Lisćiny – Lisćinje pśidaś

• Klikniśo w symbolowej rědce Naliceńske znamuška a numerěrowanje na symbol Lisćinje pśidaś.

• Klikniśo něźi z pšaweju tastu do wuzwignjonego wuběrka a wubjeŕśo Lisćina – Lisćinje pśidaś.