Wódowe znamje
Zasajźćo tekst wódowego znamjenja w slězynje aktualneje pśedłogi boka.
Wódowe znamje jo identificěrujucy wobraz abo muster w papjery, kótarež se ako rozdźělne wósni swětłosći zjawijo, gaž se pśeśiwo swětłoju woglědujo. Wódowe znamjenja su se spócetnje napórali direktnje za zgótowanje papjery, aby sfalšowanjeju dokumentow, bankowkow, listowych znamkow a wěcej zajźowali.
Wužywajśo wódowe znamjenja w LibreOffice Writer, aby wódowe znamje na papjerje na dokumentowych bokach simulěrował.
Wupołniśo dołojce dialogowe nastajenja.
Zapódane gódnoty se na aktualnu pśedłogu boka nałožuju.
Tekst
Zapódajśo tekst wódowego znamjenja, kótaryž se ma ako wobraz w slězynje boka pokazaś.
Pismo
Wubjeŕśo pismo z lisćiny.
Njamóžośo pismowu wjelikosć abo pismowy stil za tekst wódowego znamjenja wubraś. Tekstowa wjelikosć se skalěrujo, aby se w jadnej smužce do slězyny boka góźeł.
Kut
Wubjeŕśo kut wjerśenja za wódowe znamje. Tekst se wokoło toś togo kuta wjerśi, nawopaki ako špěra źo.
Transparenca
Wubjeŕśo stopjeń transparencey za wódowe znamje. Gódnota 0 % njepśewidne wódowe znamje generěrujo a gódnota 100 % dopołnje transparentne (njewidobne).
Barwa
Wubjeŕśo barwu z wuběrańskego menija.
Wopśimjeśe abo nastajenje wódowego znamjenja změniś.
Jolic wódowe znamje, kótarež se wužywa, jo tekst, kótaryž jo se zasajźił z menijowym pśikazom abo z nastajenjami dokumentoweje klasifikacije, móžośo wopśimjeśe a nastajenja pśi wócynjanju dialog Wódowe znamje wobźěłaś.