Asistent serijowego lista – adrese
Pódajśo dostawarje za dokument serijowego lista a wugótowanje adresowego bloka.
Asistent serijowego lista toś ten bok wócynja, jolic asistent w tekstowem dokumenśe startujośo, kótaryž južo póla datoweje banki wopśimujo. Jolic se asistent direktnje z toś tym bokom, se pópisanje tłocaška Adresowu lisćinu wubraś do Drugu adresowu lisćinu wubraś změnijo.
Titel toś togo boka jo Adresowy blok zasajźiś za listy a Adresowu lisćinu wubraś za e-mailowe powěsći.
Adresowu lisćinu wubraś
Wócynja dialog Adresowu lisćinu wubraś, źož móžośo datowe žrědło za adrese wubraś, nowe adrese pśidaś abo něco do noweje adresoweje lisćiny zapódaś.
Gaž někotare datowe sajźby w datowem žrědle tabelowego dokumenta Calc wobźěłujośo, kótarež se južo za serijowy list wužywa, toś te změny njejsu widobne w serijowem lisće.
Toś ten dokument ma adresowy blok wopśimowaś
Pśidawa dokumentoju serijowego lista adresowy blok.
Wubjeŕśo wugótowanje adresowego bloka, kótarež cośo wužywaś.
Jolic Toś ten dokument musy adresowy blok wopśimowaś wuběraśo, se tśeśi a stwórty kšac na toś tom boku zmóžnijotej. Pón musyśo elementy adresowego bloka a pólne mjenja zjadnośiś, kótarež se w mejlce wužywaju.
Smužki z proznymi pólami pódtłocyś
Zmóžniśo to, aby prozne smužki w adresy wuwóstajił.
Wěcej
Wócynja dialog Adresowy blok wubraś.
Póla pśirědowaś
Wócynja dialog Póla pśirědowaś.
Daniž wšykne adresowe elementy njejsu zjadnośone ze słupowym nadpismom, njamóžośo asistent serijowego lista z tłocaškom Dokóńcyś skóńcyś abo ze stwórtym kšacom asistenta pókšacowaś.
Tłocaška: Pśepytaś
Wužywajśo tłocaška Pśepytaś, aby pśeglěd informacijow z pjerwjejšneje abo pśiduceje datoweje sajźby pokazał.
Pśiducy kšać: Asistent serijowego lista – Gronjenje napóraś
Abo móžośo na tłocašk Dokóńcyś kliknuś a symbolowu rědku Serijowy list wužywaś, aby proces serijowego lista dokóńcył.
