Kakosći

Zmóžnja nastajenje wšakich kakosćow za wopśimjeśowy wóźeński element, kótaryž jo pód aktualnym kursorom.

Powšykne kakosći

Wopśimjeśe jo zastupujucy tekst

Aktualne wopśimjeśe ako zastupujucy tekst płaśi a wuběra se do togo, gaž do wopśimjeśowego wóźeńskego elementa klikaśo, aby se wuměna zastupujucego teksta z napšawdnym wopśimjeśim wólažcujo.

Titel

Zasajźćo titel za wóźeński element. Titel se nad wóźeńskim elementom pokazujo, gaž kursor jo we wóźeńskem elemenśe. Klikniśo na titel, aby dialog wóźeńskego elementa wócynił.

Wobznamjenje

Wobznamjenja pódobnemu zaměroju słuže. Wobznamjenje jo pśez mašinu cytajobny kluc abo jadnorazowy identifikator w dokumenśe. Gaž formular jo wupołnjony, móžo eksterny program informacije z dokumenta ekstrahěrowaś, gaž se wopśimjeśe wobznamjenjow pyta.

Kakosći kontrolnych kašćikow

Markěrowane znamuško

Znamuško, kótarež se wužywa, gaž kontrolny kašćik jo markěrowany. Klikniśo na tłocašk Wubraś, aby dialog Wósebne znamuška wócynił.

Njemarkěrowane znamuško

Znamuško, kótarež se wužywa, gaž kontrolny kašćik njejo markěrowany. Klikniśo na tłocašk Wubraś, aby dialog Wósebne znamuška wócynił.

Kakosći zapiskow kombinaciskego póla a wuběrańskeje lisćiny

Pokazane mě

Za wužywarje pśijaśelne mě, kótarež lisćinowy zapisk wopisujo.

Gódnota

Za mašinu pśijaśelne mě, kótarež lisćinowy zapisk wopisujo.

Pśidaś, změniś a wótwónoźeś

Pśidawa, změnja a wótwónoźujo zapiski w lisćinje.

Górjej a dołoj

Pśesuwa zapiski w lisćinje górjej abo dołoj, aby se lisćinowe pokazanje znowego rědowało.

Datumowy format

Wubjeŕśo datumowy format, kótaryž se ma w datumowem wopśimjeśowem wóźeńskem elemenśe pokazaś.