Pśeglědowanje bźezbariernosći

Pśeglědowanje cestych problemow z bźezbariernosću w dokumenśe a pódpěra za specifikacije PDF/UA w eksportowem dialogu PDF a we wobceŕku bźezbariernosći w bocnicy.

Pśistup k toś tomu pśikazoju …

Z menijoweje rědki:

Wubjeŕśo Rědy – Pśeglědanje bźezbariernosći….

Wubjeŕśo Dataja – Eksportěrowaś ako – Ako PDF eksportěrowaś – rejtarik: Powšykny – wobceŕk Powšykny – Uniwersalna bźezbariernosć (PDF/UA) a klikniśo na W pórěźe/Eksportěrowaś.

Z tastatury:

+ 8

Z bocnice:

Wócyńśo bocnicu Pśeglědanje bźezbariernosći.

Ze statusoweje rědki:

Pśeglědanje bźezbariernosći

Pśeglědowanje bźezbariernosći dokumentowu strukturu pśejźo gromaźi wšykne móžne problemy z bźezbariernosću. Pśeglědowanje dajo se manuelnje pśez meni pśewjasć abo zapušćijo se pó eksportěrowanem dialogu PDF , gaž pódpěra PDF/UA jo zmóžnjona.

Wobceŕk Pśeglědanje bźezbariernosći w bocnicy

Wobceŕk Pśeglědanje bźezbariernosći w bocnicy lisćinu wšych problemow pokazujo, kótarež su se namakali w tekstowem dokumenśe.

Stajaju se zwězanja k dispoziciji, z kótarymiž móžośo ned k problemoju nawigěrowaś. Klikniśo dwójcy na zwězanje, aby k objektoju z problemom bźezbariernosći skócył a jen wubrał.

Tłocašk Pórěźiś

Klikniśo na tłocašk Pórěźiś, aby k problemoju skócył a pśikaze k dispoziciji stajił, aby jen rozwězał.

Zwucone pśeglědanja bźezbariernosći

Pśeglědanja, kótarež su tuchylu implementěrowane, su:

Pśeglědanje, až dokumentowy titel jo póstajony.
Pśeglědanje, až dokumentowa rěc jo nastajona, abo až wšykne pśedłogi, kótarež se wužywaju, maju nastajonu rěc.
Pśeglědanje wšych wobrazow, grafikow, OLE-objektow za alternatiwny tekst (abo titel w někotarych objektach).
Pśeglědanje, až tabele rozdźělone abo zjadnośone cele njewopśimuju, kótarež mógli wužywarje ze słabowidnosću zmuśiś.
Pśeglědanje za wopacnym/manuelnym numerěrowanim (njewužywa integrěrowane numerěrowanje). Gaž se na pśikład "1." "2." "3." na zachopjeńku wótstawkow pišo.
Pśeglědanje, lěc tekst wótkaza sam njejo wótkaz – wótkaz měł se wopisowaś.
Pśeglědanje za kontrastom mjazy tekstom a slězynu. Algoritmus se w specifikaciji WCAG wopisujo.
Pśeglědanje za blinkajucym se tekstom, kótaryž móžo za luźi z kognitiwnymi brachami abo swětłocuśiweju epilepsiju problematiski byś.
Pśeglědanje za nožkami a kóńcnymi nožkami, kótarychž se maju wobinuś.
Pśeglědanje pórěda nadpismow. Pórěd nadpismow musy se kšac pó kšacu bźez pśeskokow pówušyś (na pśikład Nadpismo 1 do Nadpisma 3, Nadpismo 2 wšak se pśeskócyjo).
Pśeglědanje, lěc tekst z direktnym formatěrowanim pśidatny wóznam wopśimujo.

Bźezbariernosć w LibreOffice