Sortěrowaś

Sortěrujo wubrane wótstawki abo tabelowe smužki alfabetiski abo numeriski. Móžośo do tśich sortěrowańskich klucow definěrowaś a alfanumeriske a numeriske sortěrowańske kluce kombiněrowaś.

Sortěrowańske kriterije

Kluce 1 do 3

Pódawa pśidatne sortěrowańske kriterije. Móžośo teke sortěrowańske kluce kombiněrowaś.

Słup 1 do 3

Zapódajśi numer tabelowego słupa, kótaryž cośo ako bazu za sortěrowanje wužywaś.

Klucowy typ 1 do 3

Wubjeŕśo sortěrowańske nastajenje, kótarež cośo wužywaś.

Pórěd

Stupajucy

Sortěrujo w stupajucem pórěźe (na pśikład 1, 2, 3 abo a, b, c).

Wóstupujucy

Sortěrujo we wóstupujucem pórěźe (na pśikład 9, 8, 7 abo z, y, x).

Směr

Słupy

Sortěrujo słupy w tabeli pó aktualnych sortěrowańskich nastajenjach.

Smužki

Sortěrujo smužki w tabeli abo wótstawki we wuběrku pó aktualnych sortěrowańskich nastajenjach.

Źěleńske znamuško

Wótstawki se pśez wótstawkowe marki wótźěluju. Móžośo teke pódaś, až tabulatory (↹) abo znamuško ako źěleńske znamuška funkcioněruju, gaž wótstawki sortěrujośo.

Tabulatory (↹)

Jolic wubrane wótstawki, kótarež su pśez tabulatory wótźělone, lisćinje wótpowěduju, wubjeŕśo toś to nastajenje.

Znamuško

Zapódajśo znamuško, kótarež cośo ako źěleńske znamuško we wubranem wobceŕku wužywaś. Z pomocu źěleńskego znamuška móžo LibreOffice poziciju sortěrowańskego kluca we wubranem wótstawku zwěsćiś.

Wubraś

Wócynja dialog Wósebne znamuška, źož móžośo znamuško wubraś, kótarež cośo ako źěleńske znamuško wužywaś.

Rěc

Wubjeŕśo rěc, kótaraž sortěrowańske pšawidła definěrujo. Někotare rěcy wósebne znamuška hynac ako druge rěcy sortěruju.

Na wjelikopisanje źiwaś

Rozeznawa mjazy wjelikimi a małymi pismikami, gaž tabelu sortěrujośo. Za aziske rěcy wósebne pšawidła płaśe.