Tekst do tabele pśetwóriś

Pśetwórjujo wubrany tekst do tabele abo wubranu tabelu do teksta.

Nastajenja, kótarež su k dispoziciji, wót typa pśetwórjenja wótwisuju.

Tekst źěliś

Źěleńske znamuško, na pśikład tabulator (↹), słupowe granice we wubranem teksće markěrujo. Kuždy wótstawk we wuběrku se do smužki w tabeli pśetwórjujo. Na pódobny nałog se słupowe markěrowanja do znamuška změnja, kótarež pódawaśo, gaž tabelu do teksta pśetwórjujośo a kužda smužka se do samostatnego wótstawka pśetwórjujo.

Tabulatory

Pśetwórjujo tekst do tabele z pomocu tabulatorow (↹) ako słupowe źěleńske znamuška.

Semikolony

Pśetwórjujo tekst do tabele z pomocu semikolonow (;) ako słupowe źěleńske znamuška.

Wótstawk

Pśetwórjujo tekst do tabele z pomocu wótstawkow ako słupowe źěleńske znamuška.

Druge:

Pśetwórjujo tekst do tabele z pomocu znamuškom, kótarež do póla ako słupowe źěleńske znamuško zapódawaśo.

Tekstowe pólo

Zapódajśo znamuško, kótarež cośo ako słupowe źěleńske znamuško wužywaś.

Jadnaka šyrokosć za wšykne słupy

Napórajo słupy z jadnakeju šyrokosću, njeźiwajucy na poziciju słupowego źěleńskego znamuška.

Awtomatiski format

Wócynja dialog Awtomatiski format, źož móžośo pśeddefiněrowane wugótowanje za tabelu wubraś.

Nastajenja

Nadpismo

Formatěrujo prědnu smužku noweje tabele ako nadpismo.

Nadpismo wóspjetowaś

Wóspjetujo tabelowu głowu na kuždem boku, pó kótaremž se tabela rozpśestrěwa.

Prědne … smužki

Wóspjetujo prědne n smužki ako głowowu smužku.

Tabelu njerozdźěliś

Njeźěli tabelu pó bokach.

Ramik

Pśidawa tabeli a tabelowym celam ramik.