Nastajenja nožkow

Pódawa formatěrowanje za nožki.

Pśistup k toś tomu pśikazoju …

Wubjeŕśo Rědy – Nastajenja nožkow a kóńcnych nožkow… – rejtarik: Nožki

Aby pśidatne nastajenje za nožki póstajił, wubjeŕśo Format – Pśedłoga boka… a klikniśo pón na rejtarik Nožka.

Awtomatiske numerěrowanje

Numerěrowanje

Wubjeŕśo šemu numerěrowanja, kótaruž cośo wužywaś.

Wuběrk	Wopisanje
1, 2, 3	Arabske cyfry
A, B, C	Alphabetical numbering with uppercase letters A–Z After item 26, numbering continues AA, AB, AC, ...
a, b, c	Alphabetical numbering with lowercase letters a–z After item 26, numbering continues aa, ab, ac, ...
I, II, III	Romske cyfry (wjelikopisanje)
i, ii, iii	Romske cyfry (małopisanje)
A,... AA,... AAA,...	Alphabetical numbering with uppercase letters A–Z After item 26, numbering continues AA, BB, CC, ...
a,... aa,... aaa,...	Alphabetical numbering with lowercase letters a–z After item 26, numbering continues aa, bb, cc, ...

Licenje

Wubjeŕśo nastajenje numerěrowanja za nožki.

Nastajenje	Wóznam
Na bok	Zachopina numerěrowanje nožkow górjejce na kuždem boku znowego. Toś to nastajenje jo jano k dispoziciji, jolic kontrolny kašćik Kóńc boka jo we wobceŕku Pozicija wubrany.
Na kapitel	Zachopina numerěrowanje nožkow na zachopjeńku kuždego kapitela znowego.
Na dokument	Numerěrujo nožki w dokumenśe pó rěźe.

Pśed

Zapódajśo tekst, kótaryž cośo pśed numerom nožki w teksće nožki pokazaś. Zapódajśo na pśikład „Do“, aby „Do 1“ pokazał.

Za

Zapódajśo tekst, kótaryž cośo za numerom nožki w teksće nožki pokazaś. Zapódajśo na pśikład „)“, aby „1)“ pokazał.

Licby nožkow se pó standarźe we wobceŕku nožkow nalěwo wusměrjuju. Za napšawo wusměrjone licby nožkow musyśo nejpjerwjej wótstawkowu pśedłogu Nožka wobźěłaś. Tłocćo , aby dialog Pśedłogi wócynił a wubjeŕśo Nožka z lisćiny wótstawkowych pśedłogow. Wócyńśo kontekstowy meni z pšawym kliknjenim a wubjeŕśo Pśedłogu wobźěłaś…. Pśejźćo k rejtarikoju Zasunjenja a wótkłony a stajśo zasunjenje na 0,00 cm za Pśed tekstom a Za tekstom, inkluziwnje prědnu smužku. Napórajśo tabulator (↹) napšawo pla 12 pt a tabulator (↹) nalěwo pla 14 pt na rejtariku Tabulatory. Zapódajśo pón w dialogu Rědy – Nastajenja nožkow/kóńcnych nožkow… \t do pólowu Pśed a Za.

Zachopiś wót

Zapódajśo numer za prědnu nožku w dokumenśe. Toś to nastajenje jo jano k dispoziciji, jolic sćo wubrał „Na dokument“ w pólu Licenje.

Pozicija

Kóńc boka

Pokazujo nožki dołojce na boku.

Kóńc dokumenta

Pokazujo nožki na kóńcu dokumenta ako kóńcne nožki.

Tekstowa pśedłoga

Aby jadnotny naglěd za nožki w swójom dokumenśe zawěsćił, pśipokažćo tekstoju nožki wótstawkowu pśedłogu a numeroju kokulki nožki a numeroju we wobceŕku nožki znamjenjowe pśedłogi.

Wótstawk

Wubjeŕśo wótstawkowu pśedłogu za tekst nožki. Jano wósebne pśedłogi daju se wubraś.

Bok

Wubjeŕśo pśedłogu boka, kótaruž cośo za nožki wužywaś.

Toś to nastajenje jo jano k dispoziciji, jolic kontrolny kašćik Kóńc dokumenta jo wubrany we wobceŕku Pozicija.

Kokulka w teksće

Wubjeŕśo znamjenjowu pśedłogu, kótaruž cośo za kokulki nožkow w tekstowem wobceŕku swójogo dokumenta wužywaś.

Kokulka w nožce

Wubjeŕśo znamjenjowu pśedłogu, kótaruž cośo za numery nožkow we wobceŕku nožkow wužywaś.

Pókšacowańska pokazka

Kóńc nožki

Zapódajśo tekst, kótaryž cośo pokazaś, gaž se nožki na pśiducem boku pókšacuju, na pśikład „Dalej na boku “. LibreOffice Writer numer slědujucego boka awtomatiski zasaźijo.

Zachopjeńk pśiducego boka

Zapódajśo tekst, kótaryž cośo na boku pokazaś, źož se nožki na pókšacuju, na pśikład „Pókšacowanje z boka “. LibreOffice Writer numer pjerwjejšnego boka awtomatiski zasaźijo.