Licy słowa a znamuška, z proznymi znamuškami abo bźez proznych znamuškow, w aktualnem wuběrku a w cełem dokumenśće. Licenje se běžnje aktualizěrujo, gaž zapódawaśo abo wuběrk změnjaśo.
Pśistup k toś tomu pśikazoju …
Z menijoweje rědki:
Wubjeŕśo Rědy – Licenje słowow….
Z pówjercha z rejtarikami:
Wubjeŕśo Pśeglědanje – Licenje słowow.
Wubjeŕśo Licenje słowow… w meniju Pśeglědanje rejtarika Pśeglědanje.
Ze symbolowych rědkow:
Licenje słowow
Ze statusoweje rědki:
Klikniśo na wobceŕk Licenje słowow a znamuškow.
Kak LibreOffice słowa licy?
Zwětšego kuždy znamjenjowy rjeśazk mjazy dwěma proznyma jo słowo. Wězawki, tabulatory, łamanja smužkow a wótstawkowe łamanja su teke słowne źěleńske znamuška.
Słowa z pśecej widobnymi źěleńskimi znamuškami ako w plug-in, add-on, wužywaŕ/nastajenja se ako jadno separatne słowo lice.
Słowa mógu měšańca pismikow, licbow a wósebnych znamuškow byś. Togodla se slědujucy tekst ze styrich słowow zestaja: abc123 1.23 "$" http://www.pśikład.com.
Aby swójske znamuško pśidał, kótarež ma słowne wobgranicowanje byś, wubjeŕśo LibreOffice – NastajenjaRědy – Nastajenja… – LibreOffice Writer – Powšykne a zapódajśo znamuško do póla Pśidatne źěleńske znamuška. Pó standarźe toś to pólo EM DASH (—) a EN DASH (–) wopśimujo.
