Źělenje złožkow
Zasajźujo źěleńske znamuško do słowow, kótarež se wěcej do smužki njegóźe.
LibreOffice dokument pśepytujo a naraźujo źělenje złožkow, kótarež móžośo pśiwześ abo wótpokazaś. Jolic tekst jo wubrany, se dialog źělenja złožkow jano na wubrany tekst wustatkujo. Jolic tekst njejo wubrany, se dialog źělenja złožkow na ceły dokument wustatkujo.
Aby aktualny wótstawk abo wubrane wótstawki awtomatiski źělił, wubjeŕśo Format – Wótstawk… a klikniśo pón na rejtarik Tekstowy běg. Móžośo teke awtomatiske źělenje złožkow na wótstawkowu pśedłogu nałožyś. W teksće, w kótaremž jo awtomatiske źělenje złožkow zmóžnjone, dialog Źělenje złožkow słowa njenamakajo, kótarež daju se źěliś.
Gaž LibreOffice słowow namakajo, kótarež se źělenje złožkow pomina, pśewjeźćo slědujuce kšace:
-
Aby źělenje złožkow pokazanego słowa pśiwzeł, klikniśo na Źěliś.
-
Aby źělenje złožkow pokazanego słowa změnił, klikniśo na lěwu abo pšawu šypku pód słowom a pón na Źěliś. Lěwe a pšawe tłocaški su za słowa z někotarymi źěleńskimi městnami zmóžnjone.
-
Aby źělenje złožkow pokazanego słowa wótpokazał, klikniśo na Pśeskócyś. Toś to słowo se njeźěli.
-
Aby zbytny źěl wuběrka abo dokumenta awtomatiski źělił, klikniśo na Wšykne źěliś a wótegrońśo na slědujuce pšašanje z „Jo“.
-
Aby źělenje złožkow skóńcył, klikniśo na Zacyniś. Južo pśewjeźone źělenje złožkow se njeanulěrujo. Móžośo Wobźěłaś – Anulěrowaś wužywaś, aby wšykne źělenja złožkow anulěrował, kótarež su se nałožyli, mjaztym až dialog Źělenje złožkow jo był wócynjony.
Aby wótstawki z awtomatiskego źělenja złožkow wuzamknuł, wubjeŕśo wótstawki, pón Format – Wótstawk…, klikniśo na rejtarik Tekstowy běg a wótwónoźćo kokulku z kontrolnego kašćika Awtomatiski we wobceŕku Źělenje złožkow.
Aby dialog Źělenje złožkow znjemóžnił a pśecej awtomatiski źělił, wubjeŕśo LibreOffice – NastajenjaRědy – Nastajenja… – Rěcy a narodne šemy – Pisańske pomocne srědki – Nastajenja a wubjeŕśo kontrolny kašćik Słowa bźez pšašanja źěliś.
Aby wězawku manuelnje do dokumenta zapódał, klikniśo do słowa, źož cośo wězawku pśidaś a tłocćo pón cmd ⌘Strg+minusowy symbol (-).
Aby šćitanu wězawku do dokumenta zasajźił, klikniśo do słowa, kótarež cośo źěliś a tłocćo pón Umsch (⇧)+cmd ⌘Strg+minusowy symbol (-).
Aby měke źěleńske znamuška schował, wubjeŕśo LibreOffice – NastajenjaRědy – Nastajenja… – LibreOffice Writer – Formatěrowańske pomocne srědki a wótwónoźćo kokulku z kontrolnego kašćika Měke źěléńske znamuška.
Słowo
Słowo
Pokazujo naraźenja źělenja złožkow za wubrane słowo.
Lěwa/pšawa šypka
Nastajśo poziciju źěleńskego znamuška. Toś to nastajenje jo jano k dispoziciji, jolic se wěcej ako jadno naraźenje źělenja złožkow pokazujo.
Pśiducy
Ignorěrujo naraźenje a pyta za pśiducem słowom za źělenje złožkow.
Źěliś
Zasajźujo źěleńske znamuško na pódanej poziciji.
Wótwónoźeś
Wótwónoźujo aktualne městno źělenja złožkow z pokazanego słowa.