Pśi zapódawanju

Formatěrujo dokument awtomatiski, mjaztym až pišośo. Aby formatěrowańske nastajenja póstajił, wubjeŕśo Rědy – Awtomatiska korektura – Nastajenja awtomatiskeje korektury… a klikniśo pón na rejtarik Nastajenja.

Móžośo awtomatisku korekturu wužywaś, aby tekstowe dokumenty a lutne tekstowe dataje ASCII formatěrował, ale nic znamuška, kótarež sćo manuelnje sformatěrował. Awtomatiske słowne wudopołnjenje se jano pśewjeźo, gaž sćo zapódał słowo drugi raz do dokumenta.

Gaž awtomatiske formaty nałožujośo, slědujuce pšawidła płaśe:

Awtomatiska korektura za nadpisma

Wótstawk se ako nadpismo formatěrujo, gaž su slědujuce wuměnjenja dopołnjone:

1. wótstawk se z wjelikim pismikom zachopina

2. wótstawk se z interpunkciskim znamuškom njekóńcy

3. prozny wótstawk nad a pód wótstawkom

Awtomatiska korektura za źěleńske linije

Jolic tśi wězawki (---) abo wěcej abo wěste druge znamuška w smužce zapódawaśo a tłocćo pón Enter, se wótstawk z horicontalneju liniju pó šyrokosći boka wuměnijo. Linija jo pópšawem dolny ramik pjerwjejšnego wótstawka. Dolny nutśikowny wótkłon takego wótstawka se na 0,75 mm stajijo. Slědujuce pšawidła płaśe:

1. Tśi wězawki (-) k jadnotliwej liniji (0,05 pt tłusta) wjadu.

2. Tśi pódsmužki (_) k jadnotliwej liniji (0,75 pt tłusta) wjadu.

3. Tśi znamuška rownosći (=) k śańkej dwójnej liniji (0,05 pt tłusta) wjadu.

4. Tśi hwězdki (*) k tłustej/śańkej dwójnej liniji (2,25 pt tłustu) wjadu.

5. Tśi tildy (*) k tłustej/śańkej dwójnej liniji (2,25 pt tłustu) wjadu.

6. Tśi ruty (#) k srjejźnej dwójnej liniji (1,50 pt tłustu) wjadu.