Wuměnjenje

Definěrujśo how wuměnjenja za wuměnite pśedłogi.

Pśistup k toś tomu pśikazoju …

Klikniśo z pšaweju tastu myški na wótstawk z formatoweju pśedłogu Wopśimjeśe. Wubjeŕśo Wótstawk – Pśedłogu wobźěłaś – rejtarik: Wuměnjenje.

Wubjeŕśo Naglěd – Formatowe pśedłogi (). Klikniśo z pšaweju tastu na wótstawkowu pśedłogu. Wubjeŕśo Nowy… – rejtarik: Wuměnjenje

Wuměnite pśedłogi su wótstawkowe pśedłogi, kótarež wótwisujucy wót konteksta rozdźělne kakosći maju. Gaž su definěrowane, njamóžośo wuměnite kakosći wuměniteje pśedłogi změniś.

LibreOffice wótstawkowe kakosći wuměnitych pśedłogow tak nałožujo (tucne zapśimjeśa titelam dialogowych pólow wótpowěduju): Jolic wótstawk, kótaryž jo z wuměniteju pśedłogu sformatěrowany, jo w konteksće, z kótarymž jo nałožona pśedłoga zwězana, se wótstawkowa pśedłoga z togo wuměnjenja wužywa. Jolic žedna pśedłoga njejo zwězana z kontekstom, se atributy nałožuju, kótarež su we wuměnitej pśedłoze definěrowane. Slědujucy pśikład toś ten zwisk ilustrěrujo:

Wócyńśo prozny tekstowy dokument a pišćo wobchodowy list z głowoweju smužku (Format – Pśedłoga boka… – rejtarik: Głowowa smužka).
Wubjeŕśo Nowy we woknje Pśedłogi a pón wšykne wótstawkowe kakosći w dialogu Wótstawkowa pśedłoga, kótarež cośo za swój wobchodowy list měś, aby nowu wótstawkowu pśedłogu definěrował. Pómjeńśo toś tu pśedłogu „Wobchodowy list“.
Klikniśo pón na rejtarik Wuměnjenje a wubjeŕśo pólo Wuměnita pśedłoga, aby nowu wótstawkowu pśedłogu ako wuměnitu pśedłogu definěrował.
Wubjeŕśo w konteksće zapisk głowoweje smužki a pón pód Wótstawkowe pśedłogi pśedłogu za głowowu smužku w swójom wobchodowem lisće; na pśikład standardnu wótstawkowu pśedłogu „Głowowa smužka“. Móžośo teke swójsku pśedłogu wubraś.
Klikniśo dwójcy na wubrany zapisk w lisćinowem pólu Wótstawkowe pśedłogi abo wužywajśo Nałožyś, aby wótstawkowu pśedłogu na kontekst nałožył.
Klikniśo na W pórěźe, aby dialog Wótstawkowe pśedłogi zacynił, a formatěrujśo pón wšykne wótstawki w swójom wobchodowem lisće, inkluziwnje głowowu smužku, z wuměniteju wótstawkoweju pśedłogu „Wobchodowy list“. (Gaž do głowoweje smužki klikaśo, musyśo snaź Wšykne pśedłogi abo Swójske pśedłogi w lisćinje pśedłogow pokazaś, aby nowu pśedłogu Wobchodowy list wužywał.)

Tekst głowoweje smužki ma něnto atributy, kótarež sćo definěrował we wótstawkowej pśedłoze Głowowa smužka, mjaztym až druge źěle dokumenta maju atributy, kótarež sćo definěrował we wuměnitej wótstawkowej pśedłoze Wobchodowy list.

Pśedłoga Wopśimjeśe jo se napórała ako wuměnita pśedłoga. Togodla daju se pśedłogi, kótarež wót njeje wótwóźujośo, ako wuměnite pśedłogi wužywaś.

Wótstawkowa pśedłoga, kótaraž se na kontekst nałožujo, se wužywa, gaž se do drugich formatow (RTF, HTML atd.) eksportěrujo.

Wuměnita pśedłoga

Markěrujśo toś to pólo, aby nowu pśedłogu ako wuměnitu pśedłogu definěrował.

Kontekst

How móžośo pśeddefiněrowane konteksty LibreOffice wiźeś, inkluziwnje rozrědowańske rowniny 1 do 10, lisćinowe rowniny 1 do 10, tabelowu głowu, tabelowe wopśimjeśe, wótrězk, ramik, nožku, głowowu smužku a nogowu smužku.

Nałožone pśedłogi

How móžośo lisćinu wšych wótstawkowych pśedłogow wiźeś, kótarež su se nałožyli na kontekst.

Wótstawkowe pśedłogi

Lisćinowe pólo lisćinu wšych wótstawkowych pśedłogow wopśimujo, kótarež móžośo kontekstoju pśipokazaś.

Kupki pśedłogow

To su kupki pśedłogow, kótarež móžośo we woknje pśedłogow pokazaś.

Mě	Wóznam
Awtomatiski	Pokazujo pśedłogi, kótarež se k aktualnemu kontekstoju góźe.
Wšykne pśedłogi	Pokazujo wšykne pśedłogi aktiwneje kategorije pśedłogi.
Schowane pśedłogi	Pokazujo pśedłogi, kótarež su we woknje pśedłogow schowane.
Nałožone pśedłogi	Pokazujo pśedłogi (abo wubranu kategoriju), kótarež su se nałožyli na aktualny dokument.
Swójske pśedłogi	Pokazujo wšykne swójske pśedłogi we wubranej kategoriji pśedłogi.
Tekstowe pśedłogi	Pokazujo formatowe pśedłogi za tekst.
Dokumentowa struktura	Pokazujo formatowe pśedłogi za strukturěrowanje dokumentow.
Lisćinowe pśedłogi	Pokazujo formatowe pśedłogi za zrědowane abo njezrědowane lisćiny.
Pśedłogi zapisow	Pokazujo formatowe pśedłogi za zapise.
Wósebne pśedłogi	Pokazujo formatowe pśedłogi za głowowe a nogowe smužki, nožki, kóńcne nožki, tabele a pópisanja.
HTML-pśedłogi	Pokazujo lisćinu pśedłogow za HTML-dokument.
Wuměnite pśedłogi	Pokazujo swójske wuměnite pśedłogi.
Hierarchiski	Pokazujo pśedłogi we wubranej kategoriji w hierarchiskej lisćinje. Aby pśedłogi w pódrowninje pokazał, klikniśo na plusowy symbol (+) pódla mjenja pódrowniny.

Wótwónoźeś

Klikniśo how, aby aktualny kontekst wótwónoźeł, kótaryž jo wubranej pśedłoze pśipokazany.

Pśipokazaś

Klikniśo na Nałožyś, aby wubranu wótstawkowu pśedłogu na definěrowany kontekst nałožył.

Slědk stajiś

Staja změny slědk, kótarež su se pśewjadli w aktualnem rejtariku, na te nastajenja, kótarež do togo su byli we wócynjonem dialogu.