Pśedłogi we Writer

Slědujuce informacije pśedłogi Writer nastupaju, kótarež móžośo z pomocu wobłuka Pśedłogi bocnice nałožyś.

Jolic cośo, móžośo pśedłogi aktualnego dokumenta wobźěłaś a pón dokument ako pśedłogu składowaś. Aby dokument ako pśedłogu składował, wubjeŕśo Dataja – Dokumentowe pśedłogi – Ako dokumentowu pśedłogu składowaś….

Kategorija pśedłogi

To su rozdźělne kategorije formatowych pśedłogow.

Mě	Wopisanje
Znamjenjowe pśedłogi	Wužywajśo znamjenjowe pśedłogi, aby jadnotliwe znamuška abo cełe słowa a sady formatěrował. Jolic cośo, móžośo znamjenjowe pśedłogi zašachtelikowaś.
Wótstawkowe pśedłogi	Wužywajśo wótstawkowe pśedłogi, aby wótstawki formatěrował, mjazy drugim z pismom a pismowym wjelikosću. Móžośo teke wótstawkowu pśedłogu wubraś, kótaraž se ma na pśiducy wótstawk nałožyś.
Wobłukowe pśedłogi	Wužywajśo wobłukowe pśedłogi, aby tekstowe a grafikowe wobłuki formatěrował.
Pśedłogi boka	Wužywajśo pśedłogi boka, aby strukturu dokumenta organizěrował a numery bokow pśidał. Móžośo teke pśedłogu boka pódaś, kótaraž se ma na prědny bok nałožyś, kótaraž łamanjeju boka slědujo.
Lisćinowe pśedłogi	Wužywajśo lisćinowe pśedłogi, aby zrědowane abo njezrědowane lisćiny formatěrował.
Tabelowe pśedłogi	Wužywajśo tabelowe pśedłogi, aby tabelowe smužki, tabelowe słupy, tabelowe nadpisma, sumy za smužki a słupy a wěcej formatěrował.

To su kupki pśedłogow, kótarež móžośo we woknje pśedłogow pokazaś.

Mě	Wóznam
Awtomatiski	Pokazujo pśedłogi, kótarež se k aktualnemu kontekstoju góźe.
Wšykne pśedłogi	Pokazujo wšykne pśedłogi aktiwneje kategorije pśedłogi.
Schowane pśedłogi	Pokazujo pśedłogi, kótarež su we woknje pśedłogow schowane.
Nałožone pśedłogi	Pokazujo pśedłogi (abo wubranu kategoriju), kótarež su se nałožyli na aktualny dokument.
Swójske pśedłogi	Pokazujo wšykne swójske pśedłogi we wubranej kategoriji pśedłogi.
Tekstowe pśedłogi	Pokazujo formatowe pśedłogi za tekst.
Dokumentowa struktura	Pokazujo formatowe pśedłogi za strukturěrowanje dokumentow.
Lisćinowe pśedłogi	Pokazujo formatowe pśedłogi za zrědowane abo njezrědowane lisćiny.
Pśedłogi zapisow	Pokazujo formatowe pśedłogi za zapise.
Wósebne pśedłogi	Pokazujo formatowe pśedłogi za głowowe a nogowe smužki, nožki, kóńcne nožki, tabele a pópisanja.
HTML-pśedłogi	Pokazujo lisćinu pśedłogow za HTML-dokument.
Wuměnite pśedłogi	Pokazujo swójske wuměnite pśedłogi.
Hierarchiski	Pokazujo pśedłogi we wubranej kategoriji w hierarchiskej lisćinje. Aby pśedłogi w pódrowninje pokazał, klikniśo na plusowy symbol (+) pódla mjenja pódrowniny.