Tabela

Pódajśo wjelikosć, poziciju, wótkłon a wusměrjenje za wubranu tabelu.

Kakosći

Mě

Zapódajśo nutśikowne mě za tabelu. Móžośo toś to mě wužywaś, aby tabelu malsnje w Nawigatorje namakał.

Šyrokosć

Zapódajśo šyrokosć tabele. Toś ten kontrolny kašćik jo jano k dispoziciji, jolic nastajenje Awtomatiski njejo wubrane we wobceŕku Wusměrjenje.

Relatiwny

Pokazujo šyrokosć tabele w procentach šyrokosći boka.

Wusměrjenje

Nastajśo wusměrjeńske nastajenja za wubranu tabelu.

Awtomatiski

Rozšyrja tabelu horicontalnje až do lěweje a pšaweje kšomy boka. To jo dopórucone nastajenje za tabele w dokumentach HTML.

Nalěwo

Wusměrjujo lěwu kšomu tabele na lěwej kšomje boka.

Lěwa kšoma

Wusměrjujo lěwu kšomu tabele na zasunjenju, kótarež do póla Nalěwo we wobceŕku Wótkłon zapódawaśo.

Napšawo

Wusměrjujo pšawu kšomu tabele na pšawej kšomje boka.

Centrěrowany

Centrěrujo tabelu horicontalnje na boku.

Manuelny

Wusměrjujo tabelu horicontalnje na zakłaźe gódnotow, kótarež do pólow Nalěwo a Napšawo we wobceŕku Wótkłon zapódawaśo. LibreOffice tabelowu šyrokosć awtomatiski wulicujo. Wubjeŕśo nastajenje, jolic cośo jadnotliwe słupowe šyrokosći pódaś.

Wótkłon

Nalěwo

Zapódajśo wótkłon, kótaryž cośo mjazy lěweju kšomu boka a kšomu tabele wóstajiś. Toś to nastajenje njejo k dispoziciji, jolic nastajenje Awtomatiski abo Nalěwo jo we wobceŕku Wusměrjenje wubrane.

Napšawo

Zapódajśo wótkłon, kótaryž cośo mjazy pšaweju kšomu boka a kšomu tabele wóstajiś. Toś to nastajenje njejo k dispoziciji, jolic nastajenje Awtomatiski abo Napšawo jo we wobceŕku Wusměrjenje wubrane.

Nad

Zapódajśo wótkłon, kótaryž cośo mjazy górneju kšomu tabele a tekstom nad tabelu wóstajiś.

Pód

Zapódajśo wótkłon, kótaryž cośo mjazy dolneju kšomu tabele a tekstom pód tabelu wóstajiś.