Konturowy editor

Změnja konturu wubraneho objekta. LibreOffice konturu wužywa, gaž se nastajenja tekstowego woběga za objekt póstajaju.

Pokazujo pśeglěd kontury.

Nałožyś

Nałožujo konturu wubranego objekta.

Źěłowa płonina

Lašujo swójsku konturu. Klikniśo how a pón do wobceŕka pśeglěda.

Wubraś

Pśejźo k wuběrańskemu modusoju, aby wy mógał konturu wubraś.

Pšawokut

Kresli pšawokutnu konturu, źož w objektowem pśeglěźe śěgaśo. Aby kwadrat kreslił, źaržćo tastu Umsch (⇧) tłoconu, mjaztym až śěgaśo.

Elipsa

Kresli eliptisku konturu, źož w objektowem pśeglěźe śěgaśo. Aby krejz kreslił, źaržćo tastu Umsch (⇧) tłoconu, mjaztym až śěgaśo.

Polygon

Kresli zacynjonu konturu, kótaraž se z rownych linijowych segmentow zestaja. Klikniśo, źož cośo wjelerožk zachopiś a śěgniśo, aby linijowy segment kreslił. Klikniśo znowego, aby kóńc linijowego segmenta definěrował, a klikniśo dalej, aby zbytne linijowe segmenty wjelerožk definěrował. Klikniśo dwójcy, aby kreslenje wjelerožka zakóńcył. Aby wjelerožk na kuty 45 stopnjow wobgranicował, źaržćo tastu Umsch (⇧) tłoconu, gaž klikaśo.

Dypki wobźěłaś

Zmóžnja wam, formu kontury změniś. Klikniśo how a śěgniśo pón pśimki kontury.

Dypki pśesunuś

Zmóžnja wam, pśimki kontury śěgnuś, aby formu kontury změnił.

Dypki zasajźiś

Zasajźujo pśimk, kótaryž móžośo śěgnuś, aby formu kontury změnił. Klikniśo how a pón na wobcerjenje kontury.

Dypki wulašowaś

Wótwónoźujo dypk z wobcerjenja kontury. Klikniśo how a pón na dypk, kótaryž cośo wulašowaś.

Awtomatiska kontura

Kresli awtomatiski konturu wokoło objekta, kótaruž móžośo wobźěłaś.

Anulěrowaś

Anulěrujo slědnu akciju.

Wóspjetowaś

Wótpórajo akciju slědnego pśikaza Anulěrowaś.

Pipeta

Wuběra źěle bitmapa, kótarež samsku barwu maju. Klikniśo how a pón na barwu w bitmapje. Aby barwowy wobceŕk pówětšył, kótaryž jo wubrany, pówětšćo gódnotu w pólu Toleranca.

Toleranca

Zapódajśo barwowu tolerancu za pipetu ako procentowu sajźbu. Aby barwowy wobceŕk pówětšył, kótaryž pipeta wuběra, zapódajśo wušu procentowu sajźbu.