>Woběg

Pódajśo wašnju, na kótaruž ma tekst wokoło objekta běžaś. Móžośo teke wótkłon mjazy tekstom a objektom pódaś.

Pśistup k toś tomu pśikazoju …

Z menijoweje rědki:

Wubjeŕśo Format – Woběg.

Wubjeŕśo Format – Wobraz – Kakosći… – rejtarik: Woběg.

Wubjeŕśo Format – Wobłuk a objekt – Kakosći… – rejtarik: Woběg

Wubjeŕśo Zasajźiś – Wobłuk – Wobłuk… – rejtarik: Woběg.

Wubjeŕśo Format – Woběg – Wobźěłaś… – rejtarik: Woběg.

Z kontekstowego menija:

Wubjeŕśo Woběg.

Wubjeŕśo Woběg – Wobźěłaś… – rejtarik: Łamaś.

Z pówjercha z rejtarikami:

Wubjeŕśo Rejtarik: Wobraz – Woběg.

Z bocnice:

Wubjeŕśo wobcérk Woběg w bocnicy Kakosći.

Aby tekst wokoło tabele běžał, stajśo tabelu do wobłuka a dajśo pón tekst wokoło wobłuka běžaś.

Nastajenja

Žeden

Staja objekt na separatnu smužku w dokumenśe. Tekst w dokumenśe se nad a pód objektom zjawijo, ale nic na bokach objektow.

Žeden

Pśed

Tekst wokoło lěwego boka objekta běžy, jolic jo dosć ruma.

Pśed

Za

Tekst wokoło pšawego boka objekta běžy, jolic jo dosć ruma.

Paralelny

Tekst wokoło wšych styrich bokow granicnego wobłuka objekta běžy.

Paralelny

Pśez

Staja objekt pśed tekst.

Pśez

Optimalny

Pśewjedujo tekstowy woběg awtomatiski nalěwo, napšawo abo na wšych styrich bokach granicnego wobłuka objekta. Jolic wótkłon mjazy objektom a kšomu boka jo mjeńšy ako 2 cm, se tekst wokoło njeběžy.

Optimalny

Nastajenja

Pódajśo nastajenja za tekstowy woběg.

Prědny wótstawk

Zachopina nowy wótstawk pód objektom, gaž Enter tłocyśo. Wótkłon mjazy wótstawkami se pśez wjelikosć objekta póstaja.

W slězynje

Pśesuwa wubrany objekt do slězyny. Toś to nastajenje jo jano k dispoziciji, jolic sćo wubrał woběgowy typPśez.

Kontura

Tekst wokoło formy objekta běžy. Toś to nastajenje jo jano za woběgowy typ Pśez abo za wobłuki k dispoziciji. Aby konturu objekta změnił, wubjeŕśo objekt a pón Format – Woběg – Konturu wobźěłaś.

Jano wenka

Tekst jano wokoło kontury objekta běžy, ale nic we wócynjonych wobceŕkach w objektowej formje. Tute nastajenje njejo za wobłuki k dispoziciji.

Pózakšyśe dowóliś

Pódawa, lěc objekt smějo drugi objekt pózakšyś. Toś to nastajenje se na woběg Pśez objektow njewustatkujo, kótarež se pśecej pózakšywaju.

Mjazyrumy

Pódajśo wótkłon, kótaryž se ma mjazy wubranym objektom a tekstom wóstajiś.

Nalěwo

Zapódajśo wótkłon, kótaryž cośo mjazy lěweju kšomu objekta a tekstom wóstajiś.

Napšawo

Zapódajśo wótkłon, kótaryž cośo mjazy pšaweju kšomu objekta a tekstom wóstajiś.

Górjejce

Zapódajśo wótkłon, kótaryž cośo mjazy górneju kšomu objekta tekstom wóstajiś.

Dołojce

Zapódajśo wótkłon, kótaryž cośo mjazy dolneju kšomu objekta a tekstom wóstajiś.

Tekstowy woběg wokoło objektow