Pozicija a wjelikosć

Pódawa wjelikosć a poziciju wubranego wobraza, wobłuka abo OLE-objekt na boku.

Pśistup k toś tomu pśikazoju …

Z menijoweje rědki:

Wubjeŕśo Format – Wobraz – Kakosći… – rejtarik: Pozicija a wjelikosć.

Wubjeŕśo Format – Wobłuk a objekt – Kakosći… – rejtarik: Pozicija a wjelikosć.

Wubjeŕśo Naglěd – Formatowe pśedłogi – wobłukowe pśedłogi. Wócyńso w kontekstowem meniju pśedłogi Nowy… /Pśedłogu wobźěłaś… – rejtarik: Typ.

Wubjeŕśo Zasajźiś – Wobłuk – Wobłuk… – rejterik: Pozicija a wjelikosć.

Z kontekstowego menija:

Wubjeŕśo Kakosći – rejtarik: Pozicija a wjelikosć.

Z pówjercha z rejtarikami:

Wubjeŕśo Kakosći… – rejtarik: Pozicija a wjelikosć w meniju Wobraz rejtarika Wobraz.

Wubjeŕśo Kakosći… – rejtarik: Pozicija a wjelikosć w meniju Objekt rejtarika Objekt.

Z tastatury:

F4, then Position and Size tab.

Ze statusoweje rědki:

Klikniśo na wobceŕk wjelikosći wubranego objekta a pón na rejtarik Pozicija a wjelikosć.

Wjelikosć

Šyrokosć

Zapódajśo šyrokosć za wubrany objekt.

Relatiwny

Wulicujo šyrokosć wubranego objekta ako procentowu sajźbu šyrokosći tekstowego póla boka.

Relatiwna šyrokostna relacija

Rozsuźujo, což šyrokosć 100 % wóznamjenijo: pak tekstowe pólo (bźez kšomow) pak ceły bok (z kšomami).

Wusokosć

Zapódajśo wusokosć za wubrany objekt.

Relatiwny

Wulicujo wusokosć wubranego objekta ako procentowu sajźbu tekstowego póla boka.

Relatiwna wusokostna relacija

Rozsuźujo, což wusokosć 100 % wóznamjenijo: pak tekstowe pólo (bźez kšomow) pak ceły bok (z kšomami).

Poměr wobchowaś

Wobchowajo poměr wusokosći a šyrokosći, gaž nastajenje šyrokosći abo wusokosći změnjaśo.

Originalna wjelikosć

Staja nastajenja wjelikosći wubranego objekta na spócetne gódnoty slědk.

Toś to nastajenje njejo za wobłuki k dispoziciji.

Awtomatiska wjelikosć

Pśiměrjujo awtomatiski šyrokosć abo wusokosć wobłuka na wopśimjeśe wobłuka. Jolic cośo, móžośo minimalnu šyrokosć abo minimalnu wusokosć za wobłuk pódaś.

Nastajenje Awtomatiska wjelikosć jo jano k dispoziciji, gaž wobłuk wuběraśo.

Šćitaś

Pódawa šćitne nastajenja za wubrany zapisk.

Wopśimjeśe

Zajźujo změnam na wopśimjeśu wubranego zapiska.

Móžośo hyšći wopśimjeśe wubranego zapiska kopěrowaś.

Pozicija

Zastajijo poziciju wubranego zapiska w aktualnem dokumenśe.

Wjelikosć

Zastajijo wjelikosć wubranego zapiska.

Zakokulenje

Pódajśo nastajenja za zakokulenje za wubrany objekt abo wobłuk. Nastajenja zakokulenja njejsu k dispoziciji, gaž dialog z wokna Pśedłogi wócynjaśo.

Na boku

Zakokulujo wuběrk na aktualnem boku.

Na wótstawku

Zakokulujo wuběrk na aktualnem wótstawku.

Na znamušku

Zakokulujo wuběrk na znamušku. To jo standard za wobraze.

Ako znamuško

Zakokulujo wuběrk ako znamuško. Wusokosć aktualneje smužki se wusokosći wuběrka pśiměrjujo.

Pozicija

Pódajśo městno wubranego objekta na aktualnem boku.

Horicontalny

Wubjeŕśo nastajenje horicontalnego wusměrjenja za objekt. Wuběrk poziciju objekta relatiwnje k wobceŕkoju abo referencnej liniji pódawa, kótaraž jo we wuběrańskej lisćinje k wubrana. Toś to nastajenje njejo k dispoziciji, jolic zakokulenje ako znamuško jo wubrane.

wó

Zapódajśo wótkłon, kótaryž se ma mjazy lěweju kšomu wubranego objekta a referencnym dypkom wóstajiś, kótaryž w pólu K wuběraśo. Toś to nastajenje jo jano k dispoziciji, jolic „Wótlěwa“ w pólu Horicontalny wuběraśo.

k

Wubjeŕśo wobceŕk referencneje linije za wubrane nastajenje horicontalnego wusměrjenja. Slědujuce nastajenja su k dispoziciji:

Wótstawkowy wobceŕk: Objekt se źiwajucy na cełu šyrokosć pozicioněrujo, kótaraž jo za wótstawk inkluziwnje zasunjenja k dispoziciji.
Wótstawkowy tekstowy wobceŕk: Objekt se źiwajucy na cełu šyrokosć pozicioněrujo, kótaraž jo za tekst we wótstawku k dispoziciji, bźez zasunjenjow.
Nalěwo wót wótstawkowego tekstowego wobceŕka: Objekt se we wobceŕku wót lěweje tekstoweje granice do prědnego znamuška na lěwej kšomje zakokulonego wótstawkowego teksta pozicioněrujo. Za wěcejsłupate wótstawki se wobceŕk nastupajucy słup definěrujo, źož kokulka jo. Gaž kokulka njejo w prědnem słupje, se wobceŕk na lěwej kšomje słupa zachopina.
Napšawo wót wótstawkowego tekstowego wobceŕka: Objekt se we wobceŕku wót slědnego znamuška na pšawej kšomje zakokulonego wótstawkowego teksta do pšaweje tekstoweje granice pozicioněrujo. Za wěcejsłupate wótstawki se wobceŕk nastupajucy słup definěrujo, źož kokulka jo. Gaž kokulka njejo w slědnem słupje, se wobceŕk na pšawej kšomje słupa kóńcy.
Nalěwo wót tekstowego wobceŕka boka: Objekt se we wobceŕku mjazy lěweju kšomu boka a lěweju kšomu plus lěwy nutśikowny wótkłon boka pozicioněrujo.
Napšawo wót tekstowego wobceŕka boka: Objekt se we wobceŕku mjazy pšaweju kšomu boka a pšaweju kšomu plus pšawy nutśikowny wótkłon boka pozicioněrujo.
Ceły bok: Objekt se źiwajucy na cełu šyrokosć boka pozicioněrujo, wót lěweje do pšawego ramika boka.
Tekstowy wobceŕk boka: wót nutśikowneje kšomy lěwego nutśikownego wótkłona boka do nutśikowneje kšomy pšawego nutśikownego wótkłona.
Znamuško: Objekt se źiwajucy na horicontalny rum pozicioněrujo, kótaryž se pśez znamuško wužywa.

Źiwajśo na to, až se sajźba nastajenjow, kótarež su k dispoziciji, wót nastajenjow kokulki wótwisujo. Togodla se snaź nic wšykne nastajenja, kótarež su górjejce nalicone, aktualnego wuběrka kokulki dla pokazuju.

Móžośo wuslědk nastajenjow wusměrjenja wiźeś, kótarež w pólu Pśeglěd wuběraśo.

Na rownych bokach wótbłyšćowaś

Wótbłyšćujo aktualne nastajenja horicontalnego wusměrjenja na rownych bokach.

Móžośo teke nastajenje „Na rownych bokach wótbłyšćowaś“ za Wobraze wužywaś, aby wugótowanje objektow na rownych a njerownych bokach pśiměrił.

Wertikalny

Wubjeŕśo wertikalne wusměrjenje za objekt. Wuběrk poziciju objekta relatiwnje k wobceŕkoju abo referencnej liniji pódawa, kótaraž jo we wuběrańskej lisćinje k wubrana.

Móžośo wuslědk nastajenjow wusměrjenja wiźeś, kótarež w pólu Pśeglěd wuběraśo.

wó

Zapódajśo wótkłon, kótaryž se ma wót górneje kšomy objekta do wubranego wobceŕka abo wubraneje referencneje linije we wuběrańskej lisćinje k wóstajiś. Toś to nastajenje jo jano aktiwne, gaž su slědujuce kombinacije Wertikalny a Zakokulenje wubrane. Za toś te kombinacije móžośo wótkłon pódaś, kótaryž se ma wóstajiś.

Wertikalny		ze zakokulanim
Wótgórjejka	Górna kšoma wubranego wobceŕka. Pozitiwne gódnoty objekt dołoj pśesuwaju, negatiwne gódnoty górjej.	Na boku, Na wótstawku, Na znamušku abo Na wobłuku
Wótdołojka	Wubrana referencna linija. Pozitiwne gódnoty objekt górjej pśesuwaju, negatiwne dołoj.	Na znamušku abo Ako znamuško

k

Wubjeŕśo wobceŕk abo referencnu liniju za wertikalne wusměrjenje. Objekt dajo se nastupajucy slědujuce wobceŕki abo referencne linije pozicioněrowaś:

Kšoma: Wótwisujucy wót typa zakokulenja se objekt źiwajucy na wótkłon mjazy górneju kšomu a znamuškom (zakokulenje „Na znamušku“) abo górneju kšomu wótstawka (zakokulenje „Na wótstawku“) wótstawka, źož kokulka jo.
Wobceŕk wótstawkowego teksta: Objekt se źiwajucy na zachopjeńk wótstawka pozicioněrujo, źož kokulka jo.
Ceły bok: Objekt se źiwajucy na połnu wusokosć boka pozicioněrujo, wót górneje do dolneje kšomy boka.
Wobceŕk teksta boka: Objekt se wót dolneje kšomy górnego wobceŕka nutśikownego wótkłona do górneje kšomy dolnego wobceŕka nutśikownego wókłona pozicioněrujo.

Znamuško: Jano za zakokulenje „Na znamušku“ abo „Ako znamuško“ k dispoziciji, objekt se relatiwnje k wobceŕkoju mjazy górnym a dolnym ramikom znamuška direktnje pśed městnom kokulki pozicioněrujo. Znamuško, kótarež jo ze zgromadnym ramikom z drugimi znamuškami abo objektami sformatěrowane, wužywa wobceŕk z nejwuše znamuško abo nejwušy objekt w zgromadnem ramiku.
Tekstowa smužka: Jano za zakokulenje „Na znamušku“ k dispoziciji, objekt se źiwajucy na wusokosć tekstoweje smužki pozicioněrujo, w kótarejž kokulka jo.
Zakładna linija: Jano za zakokulenje „Ako znamuško“ k dispoziciji, toś to nastajenje objekt źiwajucy na tekstowu zakładnu liniju pozicioněrujo, nad kótarejuž se wšykne znamuška placěruju.
Smužka: Jano za zakokulenje „Ako znamuško“ k dispoziciji, toś to nastajenje objekt źiwajucy na wusokosć smužki pozicioněrujo, w kótarejž kokulka jo.
Ceły wobłuk: Jano za zakokulenje „Na wobłuku“ k dispoziciji, wenkowne kšomy wobłuka.
Tekstowe pólo wobłuka: Jano za zakokulenje „Na wobłuku“ k dispoziciji, tekstowe pólo wobłuka.

Jolic objekt na wobłuku z njepśeměnjateju wusokosću zakokulujośo, stej jano nastajeni za wusměrjeni „Dołojce a „Wesrjejź“ k dispoziciji.

Tekst w granicach wobchowaś

Źaržy wubrany objekt we wugótowańskich granicach teksta, z kótarymž jo objekt zakokulony. Aby wubrany objekt něźi w swójom dokumenśe placěrował, njewuběrajśo toś to nastajenje.

Pó standarźe jo nastajenje W tekstowych granicach źaržaś wubrane, gaž dokument wócynjaśo, kótaryž jo se napórał we wersiji Writer, kótaraž jo starša ako OpenOffice.org 2.0. Toś to nastajenje pak se njewuběra, gaž dokument we formaśe Microsoft Word (*.doc) napórajośo abo wócynjaśo.

Dowóliś, wobłuk na boki rozdźěliś

Zmóžnja, až se wobłuk na pśiducem boku pókšacujo, gaž se wopśimjeśe wobłuka wěcej do aktualnego boka njegóźi. Wopśimjeśe wokoło wobłuka se na slědnem boku łama.

By default, the Allow frame to split across pages option is disabled when you create a Text Frame in Writer. However, this option is selected when you open a document in Microsoft Word formats, containing floating tables.

Pólo pśeglěda

Pokazujo pśeglěd aktualnego wuběrka.

The green rectangle represents the selected object and the red rectangle represents the alignment reference point. If you anchor the object as a character, the reference rectangle changes to a red line.

Format - Anchor

Format - Align Text