Tekstowe kśidno

Pśidawa aktualnej pśedłoze boka tekstowe kśidno. Toś to nastajenje jo jano k dispoziciji, gaž pódpěra za aziske rěcy jo w Rěcy a narodne šemy – Powšykne w dialogowem pólu Nastajenja zmóžnjona.

Maśo jano pśistup k toś tym pśikazam, za tym až sćo zmóžnił pódpěru za aziske rěcy w – Rěcy a narodne šemy – Powšykne.

Pśistup k toś tomu pśikazoju …

Wubjeŕśo Format – Pśedłoga boka… – rejtarik: Tekstowe kśidno, jolic pódpěra za aziske rěcy jo zmóžnjona

Kśidno

Pśidawa aktualnej pśedłoze boka tekstowe kśidno za smužki abo znamuška abo wótwónoźujo jo.

Wugótowanje kśidna

Smužki na bok

Zapódajśo maksimalnu licbu smužkow, kótarež se maju na boku zjawiś.

Znamuška na smužku

Zapódajśo maksimalnu licbu znamuškow, kótarež se maju na smužce zjawiś.

Maks. zakładna tekstowa wjelikosć

Zapódajśo maksimalnu zakładnu tekstowu wjelikosć. Cym wětša gódnota jo, śim mjenjej znamuškow jo na smužku.

Maks. wjelikosć teksta Ruby

Zapódajśo pismowu wjelikosć za tekst Ruby.

Tekst Ruby pód zakładnym tekstom resp. nalěwo pódla njogo

Pokazujo tekst Ruby nalěwo pódla zakładnego teksta abo pód nim.

Zwobraznjenje kśidna

Pódawa nastajenja za śišćanje a barwy tekstowego kśidna.