Słupy

Pódawa numer słupow a słupowe wugótowanje za pśedłogu boka, wobłuk abo wótrězk.

Pśistup k toś tomu pśikazoju …

Z menijoweje rědki:

Wubjeŕśo Format – Słupy….

Wubjeŕśo Format – Titelowy bok… a pón pśedłogu boka a klikniśo na Wobźěłaś….

Wubjeŕśo Format - Pśedłoga boka… – rejtarik: Słupy.

Wubjeŕśo Zasajźiś – Wobłuk – Wobłuk… – rejtarik: Słupy.

Wubjeŕśo Naglěd – Formatowe pśedłogi – Pśedłogi boka. Wócyńśo kontekstowy meni za wubranu pśedłogu boka a wubjeŕśo Nowy…/Pśedłogu wobźěłaś… – rejtarik: Słupy.

Wubjeŕśo Format – Wobłuk a objekt – Kakosći… – rejtarik: Słupy

Wubjeŕśo Zasajźiś – Wótrězk… – rejtarik: Słupy.

Wubjeŕśo Format – Wótrězki… – tłocašk: Nastajenja… – rejtarik:Słupy.

Z pówjercha z rejtarikami:

Wubjeŕśo Wugótowanje – Słupy boka – Dalšne nastajenja – rejtarik: Słupy.

Wubjeŕśo Słupy boka w meniju Wugótowanje rejtarika Wugótowanje.

Ze symbolowych rědkow:

Słupy boka

Móžośo z pśeddefiněrowanych słupowych wugótowanjow wubraś abo swójske napóraś. Gaž wugótowanje na pśedłogu boka nałožujośo, se wšykne boki, kótarež toś tu pśedłogu wužywaju, aktualizěruju. Rowno tak se wšykne wobłuki aktualizěruju, kótarež pśedłogu wužywaju, gaž słupowe wugótowanje na wobłukowu pśedłogu nałožujośo. Móžośo teke słupowe wugótowanje za jadnotliwy wobłuk změniś.

Nastajenja

Słupy

Zapódajśo licbu słupow, kótarež cośo w boku, wobłuku abo wótrězku wužywaś.

Wuběrańske póla

Móžośo teke jadno z pśeddefiněrowanych słupowych wugótowanjow wubraś.

Pomocne pokaze kuždy pśeddefiněrowany wuběrk wopisuju.

Nałožyś na

Wubjeŕśo zapisk, na kótaryž cośo słupowe wugótowanje nałožyś. Toś to nastajenje jo jano k dispoziciji, jolic za pśistup k toś tomu dialogoju Format – Słupy… wuběraśo.

Slědujucej dwě nastajeni stej jano k dispoziciji, gaž se wótrězki formatěruju.

Wopśimjeśe jadnak na wšykne słupy rozdźěliś

Rozdźělujo jadnak tekst we wěcejsłupatych wótrězkach.

Tekstowy směr

Specify the text direction for a paragraph that uses complex text layout (CTL). This feature is only available if complex text layout support is enabled.

Pólo pśeglěda

Pokazujo pśeglěd aktualnego wuběrka.

Pśeglěd słupowego wugótowanja jano słupy pokazujo, nic wobdawajucy bok.

Šyrokosć a wótkłon

Awtomatiska šyrokosć

Napórajo słupy jadnakeje šyrokosći.

Jolic se kontrolny kašćik Awtomatiska šyrokosć njewuběra, zapódajśo nastajenja a wótkłon za słupy.

Słup

Pokazujo słupowy numer ako teke šyrokosć a wótkłon k susednym słupam.

Lěwa šypka

Pśesuwa słupowe pokazanje wó jaden słup dolěwa.

Lěwa šypka

Pšawa šypka

Pśesuwa słupowe pokazanje wó jaden słup dopšawa.

Pšawa šypka

Šyrokosć

Zapódajśo šyrokosć słupa.

Wótkłon

Zapódajśo wótkłon, kótaryž cośo mjazy słupami wóstajiś.

Źěleńska linija

Toś ten wobceŕk jo jano k dispoziciji, jolic wašo wugótowanje wěcej ako jaden słup wopśimujo.

Stil

Wubjeŕśo stil za słupowu źěleńsku liniju. Jolic njocośo źěleńsku liniju, wubjeŕśo „Žeden“.

Šyrokosć

Zapódajśo šyrokosć źěleńskeje linije.

Barwa

Wubjeŕśo barwu za źěleńsku liniju.

Wusokosć

Zapódajśo dłujkosć źěleńskeje linije w procentach wusokosći słupowego wobceŕka.

Pozicija

Wubjeŕśo wertikalne wusměrjenje źěleńskeje linije. Toś to nastajenje jo jano k dispoziciji, jolic gódnota Wusokosć linije jo mjeńša ako 100 %.