Rozrědowanje a lisćina

Pśidawa rozrědowańsku rowninu, lisćinowu pśedłogu a smužkowe numerěrowanje abo wótwónoźujo je z wótstawka abo wótstawkoweje pśedłogi. Móžośo teke zachopnu licbu za numerěrowane lisćiny a smužkowe numerěrowanje znowego zachopiś abo změniś.

Pśistup k toś tomu pśikazoju …

Wubjeŕśo Format – Wótstawk… – rejtarik: Rozrědowanje a lisćina

Klikniśo z pšaweju tastu myški na wótstawk a wubjeŕśo pón Wótstawk – Wótstawk… – rejtarik: Rozrědowanje a lisćina

Klikniśo z pšaweju tastu myški na wótstawk a wubjeŕśo pón Wótstawk – Pśedłogu wobźěłaś… – rejtarik: Rozrědowanje a lisćina

Wubjeŕśo Pśedłogi – Pśedłogu wobźěłaś… – rejtarik: Rozrědowanje a lisćina (wótstawkowe pśedłogi).

Wubjeŕśo Naglěd – Formatowe pśedłogi – wócyńśo kontekstowy meni pśedłogi a wubjeŕśo pón Nowy…/Pśedłogu wobźěłaś… – rejtarik: Rozrědowanje a lisćina (wótstawkowe pśedłogi).

Aby nastajenja numerěrowanja za wótstawki změnił, kótarež samsku wótstawkowu pśedłogu wužywaju, wubjeŕśo Naglěd – Formatowe pśedłogi a klikniśo pón na symbol Wótstawkowe pśedłogi. Klikniśo z pšaweju tastu na pśedłogu w lisćinje, wubjeŕśo Změniś… a klikniśo pón na rejtarik Rozrědowanje a lisćina.
Aby nastajenja numerěrowanja za wubrane wótstawki změnił, wubjeŕśo Format – Wótstawk a klikniśo pón na rejtarik Rozrědowanje a lisćina.

Rozrědowanje

Rozrědowańska rownina

Pśipokazujo wubranym wótstawkam abo wótstawkowej pśedłoze rozrědowańsku rowninu wót 1 do 10. Wubjeŕśo [Žeden], aby rozrědowańsku rowninu wótwónoźeł.

Lisćinowu pśedłogu nałožyś

Lisćinowa pśedłoga

Wubjeŕśo lisćinowu pśedłogu, kótaruž cośo na wótstawk nałožyś. Toś te pśedłogi se teke we woknje Pśedłogi () nalicyju, jolic na symbol Lisćinowe pśedłogi klikaśo.

Pśedłogu wobźěłaś

Wobźěłajśo kakosći wubraneje lisćinoweje pśedłogi. Toś te kakosći se na wšykne wótstawki nałožuju, kótarež su z daneju lisćinoweju pśedłogu sformatěrowane.

Toś ten tłocašk se znjemóžnijo, gaž se numerěrowanje nadpismow nałožujo. Wubjeŕśo Rědy – Numerěrowanje nadpismow, aby rozrědowańsku rowninu a format numerěrowanja wobźěłał.

Rozrědowańska rownina a lisćinowa pśedłoga stej wót se njewótwisnej. Wužywajśo Rědy – Numerěrowanje nadpismow, aby wótstawkowym pśedłogam format numerěrowanja pśipokazał, kótarež se ako nadpisma w rozrědowańskej strukturje dokumenta wužywaju.

Pśiduce tśi nastajenja se jano zjawiju, gaž Format – Wótstawk… wuběraśo, aby kakosći wubranego wótstawka wobźěłał.

Numerěrowanje pla toś togo wótstawka znowego zachopiś

Zachopina numerěrowanje pla aktualnego wótstawka znowego.

Zachopiś z

Wubjeŕśo toś ten kontrolny kašćik a zapódajśo pón numer, kótaryž cośo wótstawkoju pśipokazaś.

Wobwjertne pólo „Zachopiś z“

Zapódajśo numer, kótaryž cośo wótstawkoju pśipokazaś. Slědujuce wótstawki se běžnje wót how zapódanego numera numerěruju.

Numerěrowanje smužkow

Pódajśo nastajenja numerěrowanje smužkow. Aby swójomu dokumentoju smužkowe numery pśidał, wubjeŕśo Rědy – Numerěrowanje smužkow….

Toś ten wótstawk do numerěrowanja smužkow zapśimjeś

Zapśimujo aktualny wótstawk do numerěrowanja smužkow.

Pla toś togo wótstawka znowego zachopiś

Zachopina numerěrowanje smužkow pla aktualnego wótstawka abo pla numera, kótaryž zapódawaśo, znowego.

Zachopiś z

Zapódajśo numer, pla kótaregož se ma numerěrowanje smužkow znowego zachopiś.

Slědk stajiś

Staja změny slědk, kótarež su se pśewjadli w aktualnem rejtariku, na te nastajenja, kótarež do togo su byli we wócynjonem dialogu.

Slědujuce tłocaški se jano za wótstawkowu pśedłogu zjawiju.

Nałožyś

Nałožujo změny na wšych rejtarikach, bźez togo aby se dialog zacynił. To njedajo se z Slědk stajiś anulěrowaś.

Na nadrědowanu pśedłogu slědk stajiś

Gódnoty za aktualny rejtarik se na te stajaju, kótarež se we wótpowědnem rejtariku pśedłogu namakaju, kótaraž jo w „Zakład“w rejtariku Powšykne pódana. We wšych padach, teke gaž „Zakład“ jo „-Žeden-“, se gódnoty aktualnego rejtarika we „Wopśimujo“ wótwónoźuju.