Iniciale

Formatěrujo prědny pismik wótstawka z wjelikim pismikom, kótaryž móžo se pó někotarych smužkach rozpśestrěwaś. Wótstawk musy se nanejmjenjej pó tak wjele smužkach rozpśestrěwaś ako w pólu Smužki pódawaśo.

Pśistup k toś tomu pśikazoju …

Wubjeŕśo Format – Wótstawk… – rejtarik: Iniciale.

Wubjeŕśo Naglěd – Formatowe pśedłogi, wócyńśo kontekstowy meni, wubjeŕśo Nowy… /Pśedłogu wobźěłaś… – rejtarik: Iniciale.

Nastajenja

Iniciale pokazaś

Nałožujo nastajenja za iniciale na wubrany wótstawk.

Cełe słowo

Pokazujo prědny pismik prědnego słowa we wótstawku ako iniciala a zbytne pismiki słowa we wjelikem śišću.

Licba znamuškow

Zapódajśo licbu znamuškow, kótarež se maju do inicialow pśetwóriś.

Smužki

Zapódajśo licbu smužkow, pó kótarychž se ma iniciala wót prědneje smužki wótstawka dołoj rozpśestrěwaś. Krotše wótstawki iniciale njebudu. Wuběrk jo na 2-9 smužkow wobgranicowany.

Wótkłon k tekstoju

Zapódajśo wjelikosć wótkłona, kótaryž se ma mjazy inicialami a zbytkom teksta we wótstawku wóstajiś.

Wopśimjeśe

Tekst

Zapódajśo tekst, kótaryž cośo město prědnych pismikow wótstawka ako iniciale pokazaś.

Znamjenjowa pśedłoga

Wubjeŕśo formatowu pśedłogu, kótaruž cośo na iniciale nałožyś. Aby formatowu pśedłogu aktualnego wótstawka wužywał, wubjeŕśo [Žeden].

Pólo pśeglěda

Pokazujo pśeglěd aktualnego wuběrka.

Slědk stajiś

Staja změny slědk, kótarež su se pśewjadli w aktualnem rejtariku, na te nastajenja, kótarež do togo su byli we wócynjonem dialogu.