Tekstowy běg

Nastajenja za źělenje złožkow a łamanja boka póstajiś.

Źělenje złožkow

Pódajśo nastajenja źělenja złožkow za tekstowe dokumenty.

Awtomatiski

Zasajźujo awtomatiski źěleńskich znamuškow, źož su we wótstawku trjebne.

Znamuška na kóńcu smužki

Zapódajśo minimalnu licbu znamuškow, kótarež maju na kóńcu smužki wóstaś, nježli až se źěleńske znamuško zasajźujo.

Znamuška na zachopjeńku smužki

Zapódajśo minimalnu licbu znamuškow, kótarež se maju na zachopjeńku smužki zjawiś, za tym až sćo zasajźił źěleńske znamuško.

Zestajone znamjenjowe wobstatki na kóńcu smužki

Nastajśo 3 (abo wěcej) znamuška, aby źělenje złožkow w dańšćinje, nižozemšćinje, nimšćinje, hungoršćinje, norwegšćinje a šwedšćinje pólěpšył, aby se źělenje złožkow mjazy wobstatkami zestajonego słowa preferěrowało, město togo aby se drugi (tśeśi atd.) wobstatk direktnje za jogo 2 znamuškoma źělił.

Maksimalne zasobu slědujuce źělone smužk

Zapódajśo maksimalnu licbu zasobu slědujucych smužkow, kótarež daju se źěliś.

Minimalna słowna dłujkosć w znamuškach

Zapódajśo minimalnu słownu dłujkosć w znamuškach, kótaraž dajo se źěliś.

Wobceŕk źělenja złožkow

Aby źělenje złožkow reducěrował, zapódajśo dłujkosć wobceŕka źělenja złožkow. Město móžnego źělenja złožkow se smužka mjazy słowami łama, jolic zbytny horicontalny prozny rum wobceŕk źělenja złožkow njepśekšocujo. Wobceŕk źělenja złožkow k pówětšonym wótkłonam mjazy słowami w blokowej sajźbje wjeźo, a k wětšemu wótkłonoju wót wótstawkowych kšomow w teksće, kótaryž njejo w blokowej sajźbje.

Słowa we WJELIKICH PISMIKACH źěliś

Słowa źěliś, kótarež su dopołnje we wjelikich pismikach napisane, na pśikład inicialne słowa.

Slědne słowo źěliś

Źěli slědne słowo wótstawkow. Gaž toś tu funkciju znjemóžnijośo, se napóranje skóro proznych smužkow zajźujo, kótarež jano poł słowa wopśimuju.

Boki pśesegujuce źělenje złožkow

Kontrolěrujśo źělenje złožkow w slědnej smužce słupa, boka abo dwójnego boka a w slědnej dopołnej smužce wótstawka pó wěstych typografiskich pšawidłach, aby se cytajobnosć pólěpšyła.

Slědna dopołna smužka wótstawka

Znjemóžniśo toś ten kontrolny kašćik, aby źělenjeju slědneje smužki wótstawka zajźował. Źělone słowo se do pśiduceje smužki pśesuwa, jolic dajo dosć ruma za to. Pśez to buźo slědna smužka wótstawka dlejša a prozny rum mjazy wótstawkami se reducěrujo.

Słup

Znjemóžniśo toś ten kontrolny kašćik, aby źělenjeju słowow pśez słup, zwězany wobłuk abo bok zajźował. Źělone słowo se do pśiducego słupa, wobłuka abo boka pśesuwa.

Bok

Wótwónoźćo kokulku z kontrolnego kašćika, aby tomu zajźował, až se słowa pśez bok źěle. Źělone słowo se na pśiducy bok pśesuwa.

Dwójny bok

Wótwónoźćo kokulku z kontrolnego kašćika, aby tomu zajźował, až se słowa pśez dwójny bok źěle. (Dwójny bok jo sajźba dweju bokowu, kótarejž cytaŕ naraz wiźi.) Źělone słowo se na pśiducy dwójny bok pśesuwa.

Wótstawkowy kóńcny wobceŕk

Aby wobceŕk za źělenje złožkow za slědnu połnu smužku wótstawkow nastajił, zapódajśo jogo dłujkosć. Jolic jo na 0 stajony, se wobceŕk źělenja złožkow ako wótstawkowy kóńcny wobceŕk wužywa.

Słupowy kóńcny wobceŕk

Aby wobceŕk źělenja złožkow za slědnu smužku słupow nastajił, zapódajśo jogo dłujkosć. Słupowy kóńcny wobceŕk cytajobnosć pśez słup abo zwězany tekstowy wobłuk pólěpšujo. Jolic jo na 0 stajony, se wótstawkowy kóńcny wobceŕk ako słupowy kóńcny wobceŕk wužywa.

Kóńcny wobceŕk boka

Aby wobceŕk źělenja złožkow za slědnu smužku bokow nastajił, zapódajśo jogo dłujkosć. Kóńcny wobceŕk boka cytajobnosć pśez bok pólěpšujo. Jolic jo na 0 stajony, se słupowy kóńcny wobceŕk ako kóńcny wobceŕk boka wužywa.

Tabelowy kóńcny wobceŕk

Aby wobceŕk źělenja złožkow za slědnu smužku tabelow nastajił, zapódajśo jogo dłujkosć. Tabelowy kóńcny wobceŕk cytajobnosć pólěpšujo, gaž boku wobrośujośo. Gaž gódnotu wuběraśo, kótaraž jo styri raz tak wjelika ako pismowa wjelikosć, se źělenje złožkow 7-8-pismikowych słowow abo krotšych zajźujo. Zajźujo teke łamanjeju dlejšych słowow pla prědnych 4-5 pismikow abo do togo. Jolic jo na 0 stajony, se kóńcny wobceŕk boka ako tabelowy kóńcny wobceŕk wužywa.

Smužku pśesunuś

Wubjeŕśo toś ten kontrolny kašćik, aby cełu źělonu smužku do pśiducego słupa, boka abo dwójnego boka pśesunuł, město aby jano jeje slědne źělone słowo pśesunuł. Jano slědna smužka se pśesunjo, gaž su zasobu slědujuce źělone smužki, t. gr. toś to nastajenje njegarantěrujo, až se źělenje złožkow na kóńcu słupow abo bokow znjemóžnja.

Łamanja

Pódajśo łamańske nastajenja za boki abo słupy.

Zasajźiś

Wubjeŕśo toś ten kontrolny kašćik a pón typ łamanja, kótaryž cośo wužywaś.

Typ

Wubjeŕśo typ łamanja, kótaryž cośo zasajźiś.

Pozicija

Wubjeŕśo, źož cośo łamanje zasajźiś.

Z pśedłogu boka

Wubjeŕśo toś ten kontrolny kašćik a pón pśedłogu boka, kótaruž cośo za prědny bok za łamanim wužywaś.

Pśedłoga boka

Wubjeŕśo formatowu pśedłogu, kótaruž cośo za prědny bok za łamanim wužywaś.

Numer boka

Zapódajśo numer boka za prědny bok, kótaryž łamanjeju slědujo. Jolic cośo z numerom aktualnego boka pókšacowaś, wóstajśo kontrolny kašćik njemarkěrowany.

Nastajenja

Pódajśo nastajenja tekstowego běga za wótstawki, kótarež se pśed a za łamanim boka zjawiju.

Wótstawk njeźěliś

Pśesuwa ceły wótstawk do pśiducego boka abo słupa, za tym až jo se łamanje zasajźiło.

Z pśiducym wótstawkom gromaźe źaržaś

Źaržy aktualny wótstawk a slědujucy wótstawk gromaźe, gaž se łamanje abo změna słupa zasajźujo.

Syrotowe pšawidło

Pódawa minimalnu licbu smužkow we wótstawku pśed łamanim boka. Wubjeŕśo toś ten kontrolny kašćik a zapódajśo pón licbu do póla Smužki. Jolic licba smužkow na kóńcu boka jo mjeńša ako licba, kótaraž jo w pólu Smužki pódana, se wótstawk do pśiducego boka pśesuwa.

Wudowine pšawidło

Pódawa minimalnu licbu smužkow we wótstawku na prědnem boku za łamanim. Wubjeŕśo toś ten kontrolny kašćik a zapódajśo pón licbu do póla Smužki. Jolic licba smužkow górjejce na boku jo mjeńša ako licba, kótaraž jo w pólu Smužki pódana, se pozicija łamanja pśiměrjujo.