Nogowa smužka
Pśidawa abo wótwónoźujo nogowu smužku z pśedłogi boka, kótaruž w pódmeniju wuběraśo. Nogowa smužka se wšym bokam pśidawa, kótarež samsku pśedłogu boka wužywaju. W nowem dokumenśe se jano pśedłoga boka „Standard“ pódawa. Druge pśedłogi boka se lisćinje pśidawaju, za tym až sćo je nałožył w dokumenśe.
Nogowe smužki su jano widobne, gaž se dokument w śišćaŕskem pśeglěźe (zmóžniśo Naglěd – Normalny) woglědujośo.
Pśed pśedłogami boka z nogowymi smužkami se kokulka pokazujo.
Aby nogowu smužku wótwónoźeł, wubjeŕśo Zasajźiś – Głowowa a nogowa smužka – Nogowa smužka a wubjeŕśo pón pśedłogu boka, kótaraž nogowu smužku wopśimujo. Nogowa smužka se ze wšych bokow wótwónoźijo, kótarež toś tu pśedłogu boka wužywaju.
Aby nogowe smužki pśidał abo ze wšych pśedłogow boka wótwónoźeł, kótarež se w dokumenśe wužywaju, wubjeŕśo Zasajźiś – Głowowa a nogowa smužka – Nogowa smužka – Wšykne
Aby nogowu smužku formatěrował, wubjeŕśo Format – Pśedłoga boka… – rejtarik: Nogowa smužka.