Głowowa smužka
Pśidawa abo wótwónoźujo głowowu smužku z pśedłogi boka, kótaruž w pódmeniju wuběraśo. Głowowa smužka se wšym bokam pśidawa, kótarež samsku pśedłogu boka wužywaju. W nowem dokumenśe se jano pśedłoga boka „Standard“ pódawa. Druge pśedłogi boka se lisćinje pśidawaju, za tym až sćo je nałožył na dokument.
Głowowe smužki su jano widobne, gaž se dokument w śišćaŕskem pśeglěźe (zmóžniśo Naglěd – Normalny) woglědujośo.
Pśed pśedłogami boka z głowowymi smužkami se kokulka pokazujo.
Aby głowowu smužku wótwónoźeł, wubjeŕśo Zasajźiś – Głowowa a nogowa smužka – Głowowa smužka a wubjeŕśo pón pśedłogu boka, kótaraž głowowu smužku wopśimujo. Głowowa smužka se ze wšych bokow wótwónoźijo, kótarež toś tu pśedłogu boka wužywaju.
Aby głowowe smužki pśidał abo ze wšych pśedłogow boka wótwónoźeł, kótarež se w dokumenśe wužywaju, wubjeŕśo Zasajźiś – Głowowa a nogowa smužka – Głowowa smužka – Wšykne
Aby głowowu smužku formatěrował, wubjeŕśo Format – Pśedłoga boka… – rejtarik: Głowowa smužka.