Datowu banku wuměniś

Změńśo datowej žrědła za aktualny dokument. Aby wopśimjeśe zasajźonych pólow korektnje pokazał, musy wuměnjajuca datowa banka identiske pólne mjenja wopśimowaś.

Jolic na pśikład adresowe póla z adresoweje datoweje banki do serijowego lista zasajźujośo, móžośo pón datowu banku z drugeju adresoweju datoweju banku wuměniś, aby druge adrese zasajźił.

Datowe banki wuměniś

Móžośo jano jadnu datowu banku naraz w toś tom dialogu změniś.

Wužyte datowe banki

Nalicyjo datowe banki, kótarež se rowno wužywaju. Aktualny dokument nanejmjenjej jadno datowe pólo z kuždeje datowych bankow w lisćinje wopśimujo.

K dispoziciji stojece datowe banki

Nalicyjo datowe banki, kótarež su w LibreOffice zregistrěrowane.

Pśepytaś

Wócynja dialog Wócyniś, aby dataju datoweje banki (*.odb) wubrał. Wubrana dataja se lisćinje k dispoziciji stojecych datowych bankow pśidawa.

Definěrowaś

Wuměnja aktualne datowe žrědło z datowym žrědłom, kótarež sćo wubrał w lisćinje k dispoziciji stojecych datowych bankow.

Datowu banku wuměniś:

Zawěsććo, až wobej datowej bance identiske pólne mjenja a pólne typy wopśimujotej.

1. Klikniśo do dokumenta, za kótaryž cośo datowe žrědło změniś.

2. Wubjeŕśo Wobźěłaś – Datowu banku wuměniś….

3. Wubjeŕśo w lisćinje Wužyte datowe banki tabelu datoweje banki, kótaruž cośo wuměniś.

4. Wubjeŕśo w lisćinje K dispoziciji stojece datowe banki wuměnjajucu tabelu datoweje banki.

5. Klikniśo na Definěrowaś.