Dataju konkordance wobźěłaś

Napórajśo abo wobźěłajśo lisćinu słowow, kótarež se maju do gronidłowego zapisa zapśimjeś. Dataja konkordance słowa nalicyjo, na kótarež se maju w gronidłowem zapisu wótkazowaś, gromaźe z numerami bokow, na kótarychž se zjawiju.

Móžośo tłocašk „Wšykne pytaś“ w dialogu „Pytaś a wuměniś“ wužywaś, aby wšykne městna wuzwignuł, źož se słowo zjawijo, pón dialog Zapisk zapisa zasajźiś wócyniś, aby gronidłowemu zapisoju to słowo a městna pśidał. Jolic pak samsku sajźbu gronidłowych zapisow w někotarych dokumentach trjebaśo, dataja konkordance wam zmóžnja, kužde słowo jano jaden raz zapódaś a pón lisćinu wěcej raz wužywaś.

Standardny filter za napóranje abo wócynjanje datajow konkordance jo *.sdi. Ale datajowy format dataje konkordance dataje jo lutny tekst.

Aby pśistup k dialogoju Dataju konkordance wobźěłaś měł:

Wubjeŕśo Zasajźiś – Zapis wopśimjeśa a gronidłowy zapis – Zapis wopśimjeśa, gronidłowy zapis a zapis literatury – rejtarik: Typ.
Wubjeŕśo „Gronidłowy zapis“ w pólu Typ.
Wubjeŕśo kontrolny kašćik Dataja konkordance we wobceŕku Nastajenja.
Klikniśo na tłocašk Dataja a wubjeŕśo pón Nowy abo Wobźěłaś.

Dataja konkordance slědujuce póla wopśimujo:

Zapśimjeśe	Wóznam
Pytański wuraz	„Pytański wuraz“ se na zapisk zapisa póśěgujo, kótaryž cośo w dokumenśe markěrowaś.
Alternatiwny zapisk	„Alternatiwny zapisk“ se na zapisk zapisa póśěgujo, kótaryž se ma w zapisu zjawiś.
1. a 2. kluc	1. a 2. kluc stej nadrědowanej zapiska zapisa. „Pytański wuraz“ abo „Alternatiwny zapisk“ se ako pódzapisk pód 1. a 2. klucom zjawijo.
Komentar	Pśidajśo nad zapiskom komentarowu smužku. Komentěrowane smužki se z # zachopinaju.
Na wjelikopisanje źiwaś	„Na wjelikopisanje źiwaś“ wóznamjenijo, až se pó wjeliko- a małopisanju rozeznawa.
Cełe słowa	„Cełe słowa“ zapśimjeśe ako jadnotliwe słowo pyta.

Aby nastajenje „Na wjelikopisanje źiwaś“ abo „Cełe słowa“ zmóžnił, klikniśo do wótpowědneje cele a wubjeŕśo pón kontrolny kašćik.

Dataju konkordance bźez dialoga Dataju konkordance wobźěłaś napóraś:

Wužywajśo slědujuce formatowe směrnice, gaž dataju konkordance napórajośo:

Kuždy zapisk w dataji konkordance jo na swójskej smužce.
Komentěrowane smužki se z # zachopinaju.
Wužywajśo slědujucy format za zapiski:

pytański wuraz; alternatiwny zapisk; 1. kluc; 2. kluc; na wjelikopisanje źiwaś; cełe słowa

Zapiska „Na wjelikopisanje źiwaś“ a „Cełe słowa“ se ako „Ně“ abo FALSE interpretěrujotej, jolic stej proznej abo nul (0). Kuždy druge wopśimjeśe ako „Jo“ abo TRUE.

Pśikład

Aby na pśikład słowo „Chóśebuz“ do swójogo gronidłowego zapisa pód zapiskom „Města“ zapśimjeł, zapódajśo slědujucu smužku w dataji konkordance:

Chóśebuz;Chóśebuz;Města;;0;0

To teke „Chóśebuz“ namakajo, jolic se z małymi pismikami pišo.

Aby měsćański źěl „Rogeńc“ w Chóśebuzu pód zapiskom „Města“ zapśimjeł, zapódajśo slědujucu smužku:

Rogeńc;Chóśebuz;Města;