Wubjeŕśo Zasajźiś – Zapis wopśimjeśa a gronidłowy zapis – Zapis wopśimjeśa, gronidłowy zapis abo zapis literatury… – Rejtarik: Zapiski (gaž zapis literatury jo wubrany typ)
Typ
Typy, kótarež se pokazuju, wót rozdźělnych literarnych žrědłow wótwisuju.
Struktura a formatěrowanje
Smužka Struktura definěrujo, kak su zapiski w zapisu zestajone. Aby naglěd zapiska změnił, móžośo kody abo tekst do proznych pólow na toś tej smužce zapódaś. Móžośo teke do proznego póla abo na kod kliknuś a pón na kodowy tłocašk.
Aby kod ze smužki Struktura wulašował, klikniśo na kod a tłocćo pón tastu Entf na swójej tastaturje.
Aby kod ze smužki Struktura wuměnił, klikniśo na kod a pón na kodowy tłocašk.
Aby smužce Struktura kod pśidał, klikniśo do proznego póla a pón na kodowy tłocašk.
Tabulator (T)
Zasajźujo tabulator. Aby tabulatoroju zachopinajuce dypki pśidał, wubjeŕśo znamuško w pólu Połnjeńske znamuško. Aby poziciju tabulatora změnił, zapódajśo gódnotu w pólu Tabulatorowa pozicija abo wubjeŕśo kontrolny kašćik Napšawo wusměriś.
Typ
Nalicyjo k dispoziciji stojece zapiski zapisa literatury. Aby smužce Struktura zapisk pśidał, klikniśo na zapisk, pón do proznego póla w smužce Struktura a pón na Zasajźiś. Wužywajśo dialog Zapisk zapisa literatury definěrowaś, aby nowe zapiski pśidał.
Zasajźiś
Pśidawa smužce Struktura referencny kod za wubrany zapisk zapisa literatury. Wubjeŕśo zapisk w lisćinje, klikniśo do proznego póla a pón na toś ten tłocašk.
Wótwónoźeś
Wótwónoźujo wubrany referencny kod ze smužki Struktura.
Wšykne
Nałožujo aktualne nastajenja na wšykne rowniny, bźez togo, aby se dialog zacynił.
Znamjenjowa pśedłoga
Pódajśo znamjenjowu pśedłogu za wubrany symbol w smužce Struktura.
Pódajśo sortěrowańske nastajenja za zapiski zapisa literatury.
Dokumentowa pozicija
Sortěrujo zapiski zapisa literatury pó poziciji jich pokazow w dokumenśe. Wubjeŕśo toś to nastajenje, jolic cośo awtomatiski numerěrowane pokaze wužywaś.
Wopśimjeśe
Sortěrujo zapiski zapisa literatury pó wót was pódanych sortěrowańskich klucach, na pśikład pó awtorje abo pó lěśe wózjawjenja.
Sortěrowańske kluce
1, 2 abo 3
Wubjeŕśo zapisk, pó kótaremž se maju zapiski zapisa literatury sortěrowaś. Toś to nastajenje jo jano k dispoziciji, jolic opciski tłocašk Wopśimjeśe we wobceŕku Sortěrowaś pó wuběraśo.
AZ
Sortěrujo zapiski zapisa literatury w stupajucem alfanumeriskem pórěźe.
ZA
Sortěrujo zapiski zapisa literatury we wóstupujucem alfanumeriskem pórěźe.