Wubjeŕśo Zasajźiś – Zapis wopśimjeśa a gronidłowy zapis – Zapis wopśimjeśa, gronidłowy zapis abo zapis literatury… – Rejtarik: Zapiski (gaž alfabetiski gronidłowy zapis jo wubrany typ)
Rownina
Wubjeŕśo rowninu, kótaruž cośo definěrowaś.
Rownina „J“ se na nadpisma z jadnym pismikom póśěgujo, kótarež zapiski zapisa alfabetiski rozrěduju. Aby toś te nadpisma zmóžnił, wubjeŕśo kontrolny kašćik Alfabetiske źěleńske znamuško we wobceŕku Format.
Struktura a formatěrowanje
Smužka Struktura definěrujo, kak su zapiski w zapisu zestajone. Aby naglěd zapiska změnił, móžośo kody abo tekst do proznych pólow na toś tej smužce zapódaś. Móžośo teke do proznego póla abo na kod kliknuś a pón na kodowy tłocašk.
Aby kod ze smužki Struktura wulašował, klikniśo na kod a tłocćo pón tastu Entf na swójej tastaturje.
Aby kod ze smužki Struktura wuměnił, klikniśo na kod a pón na kodowy tłocašk.
Aby smužce Struktura kod pśidał, klikniśo do proznego póla a pón na kodowy tłocašk.
Zapiskowy tekst (E)
Zasajźujo tekst wubranego zapiska.
Tabulator (T)
Zasajźujo tabulator. Aby tabulatoroju zachopinajuce dypki pśidał, wubjeŕśo znamuško w pólu Połnjeńske znamuško. Aby poziciju tabulatora změnił, zapódajśo gódnotu w pólu Tabulatorowa pozicija abo wubjeŕśo kontrolny kašćik Napšawo wusměriś.
Informacije nadpismow (IN)
Zasajźujo informacije nadpismow ako numer nadpisma abo wopśimjeśe nadpisma. Klikniśo na symbol IN, aby wubrał, kótare informacije maju se pokazaś.
Numer boka (#)
Zasajźujo numer boka zapiska.
Wšykne
Nałožujo aktualne nastajenja na wšykne rowniny, bźez togo, aby se dialog zacynił.
Znamjenjowa pśedłoga
Pódajśo znamjenjowu pśedłogu za wubrany symbol w smužce Struktura.
Zapódajśo wótkłon, kótaryž se ma mjazy lěweju kšomu boka a tabulatorom wóstajiś.
Napšawo wusměriś
Wusměrjujo tabulator na pšawej kšomje boka.
Pśiducej dwě nastajeni stej k dispoziciji, gaž se symbol IN wuběra.
Informacije nadpisma
Wubjeŕśo informacije nadpisma, kótarež se maju do zapiska zapisa zapśimjeś.
Až do rowniny pokazaś
Zapódajśo maksimalnu licbu rowninow numera nadpisma, kótarež so maju pokazaś. Wubjeŕśo na pśikład „3“, aby až do tśich rowninow pokazał. Jolic numer nadpisma ma mjenjej ako tśi rowniny, se napšawdny numer pokažo.
Format
Znamjenjowa pśedłoga za głowne zapiski
Pódajśo formatowu pśedłogu za głowne zapiski w gronidłowem zapisu. Aby zapiska zapisa do głownego zapiska pśetwórił, klikniśo pśed polo zapisa w dokumenśe a wubjeŕśo pón Wobźěłaś – Zapisk zapisa.
Alfabetiske źěleńske znamuško
Wužywa zachopne pismiki alfabetiski zrědowanych zapiskow zapisa ako wótrězkowe nadpisma.
Pśez komu źělony kluc
Rědujo zapiski zapisa na samskej smužce, źělone pśez komy.
Tabulatorowa pozicija relatiwna k zasunjenjeju wótstawkoweje pśedłogi
Pozicioněrujo tabulator relatiwnje ku gódnośe „Zasunjenje wótlěwa“, kótaraž jo we wótstawkowej pśedłoze na rejtariku Pśedłogi definěrowana. Howac se tabulator relatiwnje k lěwej tekstowej kšomje pozicioněrujo.
