Zapis

Slědujuce nastajenja su k dispoziciji, gaž gronidłowy zapis ako typ zapisa wuběraśo.

Pśistup k toś tomu pśikazoju …

Wubjeŕśo Zasajźiś – Zapis wopśimjeśa a gronidłowy zapis – Zapis wopśimjeśa, gronidłowy zapis abo zapis literatury… – Rejtarik: Typ (gaž alfabetiski gronidłowy zapis jo wubrany typ)

Typ a titel

Pódajśo typ a titel zapisa.

Titel

Zapódajśo titel za wubrany zapis.

Typ

Wubjeŕśo typ zapisa, kótaryž cośo zasajźiś abo wobźěłaś. Nastajenja, kótarež su k dispoziciji, wót typa zapisa wótwisuju, kótaryž wuběraśo. Jolic kursor jo w zapisu, gaž Zasajźiś – Zapis wopśimjeśa a gronidłowy zapis – Zapis wopśimjeśa, gronidłowy zapis a zapis literatury… wuběraśo, móžośo ten zapis wobźěłaś.

Pśeśiwo manuelnym změnam šćitany

Zajźujo tomu, až se wopśimjeśe zapisa změnja. Manuelne změny, kótarež na zapisu pśewjedujośo, se zgubuju, gaž se zapis aktualizěrujo. Jolic cośo z kursorom pó šćitanem wobceŕku kulnuś, wubjeŕśo – LibreOffice Writer – Formatěrowańske pomocne srědki a pón kontrolny kašćik Kursor zmóžniś we wótrězku Šćitane wobceŕki.

Gronidłowy zapis abo zapis wopśimjeśa napóraś

Za

Wubjeŕśo, lěc se ma zapis za dokument abo za aktualny kapitel napóraś.

Nastajenja

Identiske zapiski zjadnośiś

Wuměnja identiske zapiski zapisa z jadnotliwym zapiskom, kótaryž numery bokow nalicyjo, źož zapisk w dokumenśe wustupujo. Zapiski "Naglěd 10, Naglěd 43" na pśikład se ako "Naglěd 10, 43" zjadnośujotej.

Identiske zapiski z s. abo ss. zjadnośiś

Wuměnja identiske zapiski zapisa, kótarež na direktnje jadnej za drugeju slědujucych bokach wustupuju z jadnotliwym zapiskom, kótaryž prědny numer boka z „s.“ abo „ss.“ nalicyjo. Zapiska "Naglěd 10, Naglěd 11" se ako "Naglěd 10s. zjadnośujotej a "Naglěd 10, Naglěd 11, Naglěd 12 se ako "Naglěd10ss. zjadnośuju. Napšawdny naglěd wót nastajenja narodneje šemy wótwisujo, ale dajo se z Sortěrowaś – Rěc pśepisaś.

Zjadnośiś z -

Wuměnja identiske zapiski zapisa, kótarež na jadneju za drugeju slědujucych bokach wustupuju z jadnotliwym zapiskom a wobceŕkom boka, źož zapisk wustupujo. Zapiski "Naglěd 10, Naglěd 11, Naglěd 12" na pśikład se ako "Naglěd 10-12" zjadnośuju.

Na wjelikopisanje źiwaś

Rozeznawa mjazy wjelikimi a małymi pismikami w identiskich zapiskach zapisa. Za aziske rěcy wósebne wobchadanje płaśi. Jolic cośo, až prědne wustupowanje zapiska w dokumenśe ma pisanje zapiska póstajiś, wubjeŕśo Identiske zapiski zjadnośiś.

Aby sortěrowanje někotarych rowninow za aziske rěcy wužywał, wubjeŕśo Na wjelikopisanje źiwaś. W sortěrowanju někotarych rowninow se wjelikopisanja a diakritiske znamuška ignorěruju a jano jadnore formy zapiski pśirownuju. Jolic formy su identiske, se diakritiske znamuška formow pśirownuju. Jolic formy su pón hyšći identiske, se wjelikopisanja formow ako teke šyrokosći znamuškow a rozdźěle w japańskem Kana pśirownuju.

Zapiski awtomatiski z wjelikim pismikom

Pišo prědny pismik zapiska zapisa awtomatiski z wjelikim pismikom.

Kluce ako separatne zapiski

Zasajźujo kluce zapisa ako separatne zapiski zapisa. Kluc se ako zapisk zapisa nejwušeje rowniny zasajźujo a zapiski, kótarež su klucoju pśipokazane, ako zasunjone pódzapiski.

Aby kluč zapisa definěrował, wubjeŕśo dialog Zapisk zapisa zasajźiś.

Dataja konkordance

Markěrujo awtomatiski zapisk zapisa z pomocu dataje konkordance – lisćina słowow, kótarež se maju do zapisa zapśimjeś.

Dataja

Dataju konkordance wubraś, napóraś abo wobźěłaś.

Sortěrowaś

Póstaja nastajenja za sortěrowanje zapiskow zapisa.

Rěc

Wubjeŕśo rěcne pšawidła, kótarež se maju wužywaś, aby se zapiski zapisa sortěrowali.

Klucowy typ

Wubjeŕśo „numeriski“, gaž cośo licby pó gódnośe sortěrowaś, na pśikład w 1, 2, 12. Wubjeŕśo „alfanumeriski“, gaž cośo licby pó znamjenjowem koźe sortěrowaś, na pśikład w 1, 12, 2.