Zapis (zapis wopśimjeśa)

Slědujuce nastajenja su k dispoziciji, gaž zapis wopśimjeśa ako typ zapisa wuběraśo.

Pśistup k toś tomu pśikazoju …

Wubjeŕśo Zasajźiś – Zapis wopśimjeśa a gronidłowy zapis – Zapis wopśimjeśa, gronidłowy zapis abo zapis literatury… – Rejtarik: Typ (gaž zapis wopśimjeśa jo wubrany typ)

Typ a titel

Pódajśo typ a titel zapisa.

Titel

Zapódajśo titel za wubrany zapis.

Typ

Wubjeŕśo typ zapisa, kótaryž cośo zasajźiś abo wobźěłaś. Nastajenja, kótarež su k dispoziciji, wót typa zapisa wótwisuju, kótaryž wuběraśo. Jolic kursor jo w zapisu, gaž Zasajźiś – Zapis wopśimjeśa a gronidłowy zapis – Zapis wopśimjeśa, gronidłowy zapis a zapis literatury… wuběraśo, móžośo ten zapis wobźěłaś.

Pśeśiwo manuelnym změnam šćitany

Zajźujo tomu, až se wopśimjeśe zapisa změnja. Manuelne změny, kótarež na zapisu pśewjedujośo, se zgubuju, gaž se zapis aktualizěrujo. Jolic cośo z kursorom pó šćitanem wobceŕku kulnuś, wubjeŕśo – LibreOffice Writer – Formatěrowańske pomocne srědki a pón kontrolny kašćik Kursor zmóžniś we wótrězku Šćitane wobceŕki.

Gronidłowy zapis abo zapis wopśimjeśa napóraś

Za

Wubjeŕśo, lěc se ma zapis za dokument abo za aktualny kapitel napóraś.

Zapśimjeś do rowniny

Pódajśo maksimalnu rozrědowańsku rowninu za wótstawk, pódanu w Napóraś z, kótaraž se ma do zapisa zapśimjeś.

Napóraś z

Wužywajśo toś ten wobceŕk, aby pódał, kótare informacije maju se do zapisa zapśimjeś.

Nadpisma

Napórajo zapis z pomocu rowninow nadpismow. Kuždy wótstawk z rowninu nadpisma, kótaraž jo mjeńša abo jadnaka rownina nadpisma, kótaraž jo w Zapśimjeś až do pódana, se do zapisa zapśimujo.

Wótstawki, kótarež su z jadneju pśeddefiněrowanych wótstawkowych pśedłogow („nadpismo 1-10“) sformatěrowane, maju rozrědowańsku rowninu, kótaraž licbje we wótstawkowej pśedłoze wótpowědujo. Móžośo teke na rejtariku Rozrědowanje a lisćina dialoga Format – Wótstawk… Wótstawkam rozrědowańske rowniny pśipokazaś.

LibreOffice zapiski zapisa wopśimjeś na zakłaźe rozrědowańskeje rowniny wótstawkoweje pśedłogi a wótstawkowego wopśimjeśa napórajo. Jolic wótstawk jo prozny, njepśewzejo se do zapisa wopśimjeśa. Aby wunuzkał, až se prozny wótstawk w zapisu wopśimjeśa nalicyjo, zasajźćo prozne znamje abo šćitane prozne znamje do wótstawka. Prozne znamjenja, kótarež su se do tekstowego póla Za rejtarika Numerěrowanje w dialogu kapitlowego numerěrowanja zapódali, za toś ten zaměr njefunkcioněruju, dokulaž su źěl wótstawkowego numerěrowanja, nic wótstawkowego wopśimjeśa.

Pśidatne pśedłogi

Zapśimujo wótstawki z wótstawkowymi pśedłogami, kótarež su w dialogu Pśedłogi pśipokazaś ako zapiski zapisa pódane. Aby wótstawkowe pśedłogi wubrał, klikniśo na tłocašk Pśedłogi pśipokazaś napšawo pódla toś togo nastajenja.Pśipokazane wótstawkowe pśedłogi muse rozrědowańsku rowninu měś, kótaraž jo mjeńša ako gódnota abo jadnaka gódnota, kótaraž jo w Zapśimjeś až do rowniny pódana, aby se do zapisa zapśimjeli.

Wužywajśo „Pśidatne pśedłogi“, aby wótstawki do zapisa wopśimjeśa z wótstawkoweju pśedłogu „Nadpismo zapisa wobrazow“ abo „Nadpismo zapisa literatury“ zapśimjeł ako teke kuždu drugu relewantnu wótstawkowu pśedłogu.

Pśedłogi pśipokazaś

Wócynja dialog Pśedłogi pśipokazaś, źož móžośo wótstawkowe pśedłogi wubraś, kótarež cośo do zapisa zapśimjeś. Wubjeŕśo póžedanu rowninu zapisa, na kótarejž se ma pśedłoga w zapisu pokazaś.

Zapiski zapisa

Wubjeŕśo toś to nastajenje, aby zapiski zapisa, kótarež su z Zasajźiś – Zapis wopśimjeśa a gronidłowy zapis – Zapis zapiska… do dokumenta zasajźone, do generěrowanego zapisa zapśimjeł.

Zapis (swójski)