Zapisk zapisa zasajźiś abo wobźěłaś

Markěrujo wubrany tekst ako zapisk gronidłowego zapisa abo wopśimjeśowego zapisa abo wobźěłujo wubrany zapisk zapisa.

Móžośo dialoga Zapisk zapisa zasajźiś a Zapisk zapisa wobźěłaś wócynjonej wóstajiś, mjaztym až zapiski wuběraśo a zasajźujośo abo wobźěłujośo.

Zapis

Wubjeŕśo zapis, kótaremuž cośo zapisk pśidaś.

Gaž zapisk zapisa wobźěłujośo, se typ zapisa pokazujo, ku kótaremuž wubrany zapisk słuša. Njamóžośo typ zapisa zapiska zapisa w toś tom dialogu změniś. Musyśo město togo zapisk zapisa z dokumenta lašowaś a pón jen zasej z drugim typom zapisa zasajźiś.

Nowy swójski zapis

Wócynja dialog Nowy swójski zapis, źož móžośo swójski zapis napóraś.

Mě

Zapódajśo mě za nowy swójski zapis. Nowy zapis se lisćinje k dispoziciji stojecych zapisow pśidawa.

Zapisk

Pokazujo tekst, kótaryž jo w dokumenśe wubrany. Jolic cośo, móžośo druge słowo za zapisk zapisa zapódaś. Wubrany tekst w dokumenśe se njezměnijo.

Abo wobźěłujośo zapisk zapisa, jolic trjeba. Gaž zapisk zapisa změnjaśo, se nowy tekst jano w zapisu zjawijo a nic pla kokulki zapiska zapisa w dokumenśe. Móžośo na pśikład zapis z komentarami ako „Zakłady, glejśo teke Powšykny“ zapódaś.

Zapisk z wuběrka aktualizěrowaś

Klikniśo na symbol, aby zapisk z aktualnym tekstowym wuběrkom w dokumenśe aktualizěrował.

1. kluc

Pśetwórjujo aktualny wuběrk do pódzapiska słowa, kótarež tu zapódawaśo. Jolic na pśikład „zymny“ wuběraśo a „wjedro“ ako 1. kluc zapódawaśo, jo zapisk zapisa „wjedro, zymny“.

2. kluc

Pśetwórjujo aktualny wuběrk do pódzapiska pód pódzapiskom 1. kluca. Jolic na pśikład „zymny“ wuběraśo a „wjedro“ ako 1. kluc zapódawaśo a „zyma“ ako 2. kluc, jo zapisk zapisa „wjedro, zyma, zymny“.

Fonetiske cytanje

Zapódajśo fonetiske cytanje za wótpowědny zapisk. Jolic na pśikład japańske słowo w pismje Kandži ma někotare wugronjenja, zapódajśo korektne wugronjenje ako słowo w pismje Katakana. Słowo w Kandži se pó zapisku fonetiskego cytanja sortěrujo. Toś to nastajenje jo jano k dispoziciji, gaž pódpěra za aziske rěcy jo zmóžnjona.

Głowny zapisk

Pśetwórjujo wubrany tekst do głownego zapiska w alfabetiskem zapisu. LibreOffice numer boka głownego zapiska w drugem formaśe ako druge zapiski w zapisu pokazujo.

Rownina zapisa

Pódajśo rowninu zapisa za zasajźony zapisk zapisa.

Za wubrany zapisk

Slědujuce tśi nastajenja su k dispoziciji,gaž se tekstowy wuběrk w Zapisk zacytajo, gaž se pak tekst w dokumenśe wuběra a dialog wócynja pak se Zapisk z wuběrka aktualizěrowaś w dialogu wužywa.

Na wšykne druge wustupowanja nałožyś

Markěrujo awtomatiski wšykne druge wustupowanja wubranego teksta w dokumenśe. Za změnjony zapisk se wótpowědowanje na spócetnem wuběrku pśewjeźo, ale změnjony zapisk se ako zapisk zapisa zasajźijo. Tekst w głowowych smužkach, w nogowych smužkach a we wobłukach se njezapśimuju.

Jano cełe słowa

Searches for whole words or cells that are identical to the search text.

Na wjelikopisanje źiwaś

Matches the exact character provided in the Find box without considering any alternative case matches.

Zasajźiś

Markěrujo zapisk zapisa we wašom teksće.

Zacyniś

Zacynja dialog.

Lašowaś

Lašujo wubrany zapisk ze zapisa. Zapiskowy tekst w dokumenśe se njelašujo.

Pjerwjejšny zapisk (samske mě)

Skócyjo k pjerwjejšnemu zapiskoju zapisa ze samskim zapiskom a typom ako aktualny zapisk zapisa.

Pśiducy zapisk (samske mě)

Skócyjo k pśiducemu zapiskoju zapisa ze samskim zapiskom a typom ako aktualny zapisk zapisa.

Pjerwjejšny zapisk

Skócyjo k pjerwjejšnemu zapiskoju zapisa samskego typa w dokumenśe.

Pśiducy zapisk

Skócyjo k pśiducemu zapiskoju zapisa samskego typa w dokumenśe.