Specialne wobznamjenja

Gaž dokument składujośo, kótaryž póla ako dokument HTML wopśimujo, LibreOffice awtomatiski datumowe póla, casowe póla a póla dokumentowych informacijow do specialnych wobznamjenjow HTML pśetwórjujo. Pólne wopśimjeśe se mjazy wócynjajuce a zacynjajuce wobznamjenja HTML pśetwórjonych pólow zasajźijo. Toś te specialne wobznamjenja HTML standardnym wobznamjenjam HTML njewótpowěduju.

Póla LibreOffice Writer se pśez wobznamjenje <SDFIELD> w dokumenśe HTML identificěruju. Pólny typ, format a mě specialnego póla se do wócynjajucego wobznamjenja HTML zapśimuju. Format pólnego wobznamjenja, kótarež se pśez filter HTML spóznawa, wót pólnego typa wótwisujo.

Datumowe a casowe póla

Za póla typow „Datum“ a „Cas“ ma parameter TYPE gódnotu DATETIME. Format datuma abo casa se pśez parameter SDNUM pódawa, na pśikład DD:MM:LL za datumowe pódaśa abo HH:MM:SS za cas.

Za njepśeměnjate datumowe a casowe póla se datum abo cas pśez prameter SDVAL pódawa.

Pśikłady za specialne wobznamjenja HTML za datum a cas, kótarež se pśez LibreOffice ako póla spóznawaju, se w slědujucej tabeli pokazuju:

Póla	Wobznamjenje LibreOffice
Datum jo njepśeměnjaty	<SDFIELD TYPE=DATETIME SDVAL="35843,4239988426" SDNUM="1031;1031;ŹŹ/MM/LL">17.02.98</SDFIELD>
Datum jo wariabelny	<SDFIELD TYPE=DATETIME SDNUM="1031;1031;ŹŹ/MM/LL">17.02.98</SDFIELD>
Cas jo njepśměnjaty	<SDFIELD TYPE=DATETIME SDVAL="35843,4240335648" SDNUM="1031;1031;HH:MM:SS">10:10:36</SDFIELD>
Cas jo wariabelny	<SDFIELD TYPE=DATETIME SDNUM="1031;1031;HH:MM:SS">10:10:36</SDFIELD>

Póla dokumentowych informacijow

Za póla dokumentowych informacijow ma parameter TYPE gódnotu DOCINFO. Parameter SUBTYPE specifiski pólny typ pokazujo, na pśikład SUBTYPE=CREATE za pólo dokumentowych informacijow „Napórany“. Za póla dokumentowych informacijow z datumom a casom ma parameter FORMAT gódnotu DATE abo TIME a parameter SDNUM pódawa licbowy format, kótaryž se wužywa. Parameter SDFIXED pódawa, lěc wopśimjeśe póla dokumentowych informacijow jo njepśměnjaty abo nic.

Wopśimjeśe njepśeměnjatego datumowe abo casowego póla jo jadnak parametroju SDVAL , howac jo wopśimjeśe jadnak tekstoju, kótaryž se mjazy wobznamjenjami HTML SDFIELD namakajo.

Pśikłady specialnych wobznamjenjow HTML za dokumentowe informacije, kótarež se pśez LibreOffice ako póla spóznawaju, se w slědujucej tabeli pokazuju:

Póla	Wobznamjenje LibreOffice
Wopisanje (njepśeměnjate wopśimjeśe)	<SDFIELD TYPE=DOCINFO SUBTYPE=COMMENT SDFIXED>Wopisanje</SDFIELD>
Datum napóranja	<SDFIELD TYPE=DOCINFO SUBTYPE=CREATE FORMAT=DATE SDNUM="1031;1031;QQ YY">1. kwartal 98</SDFIELD>
Cas napóranja (njepśeměnjate wopśimjeśe)	<SDFIELD TYPE=DOCINFO SUBTYPE=CREATE FORMAT=TIME SDVAL="0" SDNUM="1031;1031;HH:MM:SS AM/PM" SDFIXED>03:58:35 PM</SDFIELD>
Datum změny	<SDFIELD TYPE=DOCINFO SUBTYPE=CHANGE FORMAT=DATE SDNUM="1031;1031;NN TT. MMM JJ">Pó 23. feb 98</SDFIELD>