Wariable

Wariablowe póla wam zmóžnjaju, wašomu dokumentoju dynamiske wopśimjeśe pśidaś. Móžośo na pśikład wariablu wužywaś, aby numerěrowanje boku slědk stajił.

Aby swójomu dokumentoju pólo pśidał, klikniśo na pólny typ w lisćinje Wubraś a pón na Zasajźiś.

Typ

Nalicyjo pólne typy wariablow, kótarež su k dispoziciji.

Typ	Wopisanje
Wariablu nastajiś	Definěrujo wariablu a jeje gódnotu. Móžośo gódnotu wariable změniś, gaž pśed pólo wariable klikaśo a pón Wobźěłaś – Póla… wuběraśo. Pó standarźe se wšykne wariable z numeriskim typom napóraju. Gaž pólo Wariablu nastajiś do dokumenta prědny raz zasajźujośo, musyśo jogo format we wobceŕku Format definěrowaś. Format móžo pak tekst pak numeriski byś, pśi comž rozdźělne numeriske formaty su k dispoziciji. Gaž format jo definěrowany, njamóžośo format změniś, snaźkuli wótwónoźujośo wariablu z dokumenta. Pó standarźe se wšykne wariable w numeriskem formaśe napóraju.
Wariablu pokazaś	Zasajźujo aktualnu gódnotu wariable, na kótaruž w lisćinje Wuběrk klikaśo.
DDE-pólo	Zasajźujo DDE-zwězanje do dokumenta, kótarež móžośo tak cesto ako móžno z pśipokazanym mjenim aktualizěrowaś.
Formulu zasajźiś	Zasajźujo konstantnu licbu abo wuslědk formule. Gaž se wariabla z numeriskeju gódnotu napórajo, se jeje wopśimjeśe ako formula interpretěrujo, a wuslědk se awtomatiski do licby pśetwórijo. Lutny tekst, kótaryž jo wót pazorkow wobdany, se do 0 wugódnośujo, ale jolic měšany znamjenjowy rjeśazk kaž "123a456" zapódawaśo, se pśetwórjenje póla prědnego njenumeriskego znamuška zastajijo – což w licbje 123 rezultěrujo. Formulowy wuraz se pó pšawidłach za formule w tabelach a wužywa wariable, kótarež su w dokumenśe město w tabelowych celach definěrowane.
Zapódawańske pólo	Zasajźujo nowu gódnotu za wariablu abo wužywaŕske pólo. Gódnota wariable w zapódawańskem pólu jo jano wót tam płaśiwa, gaž jo se pólo zasajźiło. Aby gódnotu wariable pózdźej w dokumenśe změnił, zasajźćo druge zapódawańske pólo ze samskim mjenim, ale z drugeju gódnotu. Gódnota wužywaŕskego póla pak se globalnje změnijo. Wariable se w pólu Wuběrk pokazuju. Gaž na tłocašk Zasajźiś klikaśo, se dialog Póla pśeglědaś zjawijo, źož móžośo nowu gódnotu abo pśidatny tekst ako pśipisk zapódaś.
Numerowy wobceŕk	Zasajźujo awtomatiske numerěrowanje za tabele, grafiki abo wobłuki.
Wariablu boka nastajiś	Zasajźujo referencny dypk w dokumenśe, za kótarymž se licenje bokow znowego zachopina. Wubjeŕśo „zašaltowany“, aby referencny dypk zmóžnił a „wušaltowany“, aby jen znjemóžnił. Móžośo teke wótchylenje zapódaś, aby z licenim bokow z drugim numerom zachopił.
Wariablu boka pokazaś	Pokazujo licbu boku wót referencnego dypka „Wariablu boka nastajiś“ do toś togo póla.
Wužywaŕske pólo	Zasajźujo swójsku globalnu wariablu. Móžośo wužywaŕske pólo wužywaś, aby wariablu za wuměnjeński pśikaz definěrował. Gaž wužywaŕske pólo změnjaśo, se wšykne instance wariable w dokumenśe aktualizěruju.

Wubraś

Nalicyjo k dispoziciji stojece póla za pólny typ, kótaryž jo w lisćinje Typ wubrany. Aby pólo zasajźił, klikniśo na pólo a pón na Zasajźiś.

Zapódajśo mě swójskego póla, kótarež cośo napóraś.Toś to nastajenje jo za pólne typy „Wariablu nastajiś“, „DDE-pólo“, „Numerowy wobceŕk“ a „Wužywaŕske pólo“ k dispoziciji.

Definěrujśo w lisćinje Format, lěc se ma gódnota ako tekst abo licba zasajźiś.

W dokumenśe HTML stej dwě pśidatnej póli za pólny typ „Wariablu nastajiś“ k dispoziciji: HTML_ON a HTML_OFF. Tekst, kótaryž w pólu Gódnota zapódawaśo, se do wócynjajucego se wobznamjenja HTML (<Value>) abo zacynjajucego se wobznamjenja (</Value>), gaž se dataja ako dokument HTML składujo wótwisujucy wót nastajenja, kótarež wuběraśo.

DDE-pśikaz

Toś to nastajenje jo jano k dispoziciji, jolic se pólny typ „DDE-pólo“ wuběra.

Formula

Toś to nastajenje jo jano k dispoziciji, jolic pólny typ „Formulu zasajźiś“ jo wubrany.

Toś to nastajenje jo jano k dispoziciji, jolic pólny typ „Wariablu boka nastajiś“ jo wubrany.

Njewidobny

Chowa pólne wopśimjeśe w dokumenśe. Pólo se ako śańke šere markěrowanje do dokumenta zasajźujo. Toś to nastajenje jo jano za pólnej typa „Wariablu nastajiś“ a „Wužywaŕske pólo“ k dispoziciji.

Z numerom nadpisma

Wužywajśo toś to nastajenje, aby numer nadpisma pśed pólom „numerowy wobceŕk“ pokazał. Numer nadpisma z nadpisma pśed městnom póla póchada.

Až do rowniny

Pśi typiskem wužywanju w dokumenśe se wubrany numer pódawa, kak wjele rowninow numera nadpisma (zachopinajucy wót 1) ma se pokazaś. Wubrana gódnota maksimalnu licbu rowninow pódawa, kótarež se maju pokazaś. Napšawdna licba móžo mjenjej rowninow měś. Jolic na pśikład numer nadpismo direktnje do togo jo 2.6 a 4 jo wubrany, se jano 2.6 pokažo. Jolic [Žeden] jo wubrany, se žeden numer nadpisma njepokazujo.

Źěleńske znamuško

Pódajśo znamuško, kótarež se ma ako źěleńske znamuško mjazy numerom nadpisma a pólnym numerom wužywaś.

Nałožyś

Pśidawa lisćinje Wuběrk swójske pólo.

Lašowaś

Wótwónoźijo swójske pólo z lisćiny Wuběrk. Móžośo jano póla wótwónoźeś, kótarež se w aktualnem dokumenśe njewužywaju. Aby pólo z lisćiny wótwónoźeł, kótarež se w aktualnem dokumenśe wužywa, lašujśo nejpjerwjej wšykne instance póla w dokumenśe a wótwónoźćo jo z lisćiny.