Dokumentowe informacije

Póla dokumentowych informacijow informacije wó kakosćach dokumenta wopśimuju, na pśikład datum, gaž dokument jo se napórak. Aby se kakosći dokumenta woglědał, wubjeŕśo Dataja – Kakosći….

Pśistup k toś tomu pśikazoju …

Wubjeŕśo Zasajźiś – Pólo – Dalšne póla… – Rejtarik: Dokumentowe informacije

Gaž dokument HTML eksportěrujośo a importěrujośo, kótaryž póla dokumentowych informacijow wopśimujo, se specialne formaty LibreOffice wužywaju.

Typ

Nalicyjo pólne typy, kótarež su k dispoziciji.

Typ	Wóznam
Komentary	Zasajźujo komentary, ako su na rejtariku Wopisanje dialoga Dataja – Kakosći… zapódane.
Napórany	Zasajźujo mě awtora a datum abo cas napóranja dokumenta.
Swójski	Zasajźujo wopśimjeśe kakosćow na rejtariku Swójske kakosći dialoga Dataja – Kakosći…. (Pokazujo se jano, jolic se swójske kakosći pśidawaju.)
Klucowe słowa	Zasajźujo klucowe słowa, aku su w rejtariku Wopisanje dialoga Dataja – Kakosći… zapódane.
Slědny śišć	Zasajźujo mě awtora a datum abo cas slědnego śišća.
Změnjony	Zasajźujo mě awtora a datum abo cas slědnego składowanja.
Wersijowy numer	Zasajźujo wersijowy numer aktualnego dokumenta.
Tema	Zasajźujo temu, ako jo w rejtariku Wopisanje dialoga Dataja – Kakosći… zapódana.
Titel	Zasajźujo titel, ako jo w rejtariku Wopisanje dialoga Dataja – Kakosći… zapódany.
Wobźěłowański cas dogromady	Zasajźujo wobźěłański cas dokumenta.

Slědujuce póla daju se jano zasajźiś, jolic wótpowědny pólny typ jo w lisćinje Typ wubrany.

Wubraś

Nalicyjo, kótare informacije daju se za wubrany pólny typ zasajźiś.

Za pólne typy „Napórany, „Změnjony“ a „Slědny śišć“ móžośo awtora, datum a cas wótpowědneje operacije zasajźiś.

Format

Jolic pólo datum cas abo licbu pokazujo, se pón Format wužywa, aby se naglěd datuma, casa abo licby pśiměrił. Zwucone formaty se we woknje Format pokazuju abo klikniśo na „Pśidatne formaty“, aby swójski format definěrował.

Gaž na „Pśidatne formaty“ klikaśo, se dialog Licbu formatěrowaś wócynijo, źož móžośo swójski format definěrowaś.

Njepśeměnjate wopśimjeśe

Zasajźujo pólo ako statiske wopśimjeśe, t. gr. pólo njedajo se aktualizěrowaś.

Póla z njepśeměnjatym wopśimjeśim se jano wugódnośuju, gaž nowy dokument z dokumentoweje pśedłogi napórajośo, kótaraž take pólo wopśimujo. Datumowe pólo z njepśeměnjatym wopśimjeśim datum zasajźujo, gaž jo se nowy dokument z dokumentoweje pśedłogi napórał.