Funkcije

Wótwisujucy wót pólnego typa, kótaryž wuběraśo, móžośo wěstym funkcijam wuměnjenja pśipokazaś. Móžośo na pśikład pólo definěrowaś, kótarež makro wuwjeźo, gaž na pólo w dokumenśe klikaśo, abo wuměnjenje, kótarež, gaž se docynja, pólo schowajo. Móžośo teke zastupujuce póla definěrowaś, kótarež grafiki, tabele, wobłuki a druge objekty do wašogo dokumenta zasajźuju, jolic trjeba.

Pśistup k toś tomu pśikazoju …

Wubjeŕśo Zasajźiś – Pólo – Dalšne póla… – Rejtarik: Funkcije

Typ

Nalicyjo pólne typy, kótarež su k dispoziciji.

Typ	Wóznam
Wuměnity tekst	Zasajźujo tekst, jolic wěste wuměnjenje jo docynjone. Zapódajśo na pśikład „sun eq 1“ do póla Wuměnjenje a tekst, kótaryž cośo do póla Pón zasajźiś, gaž wariabla „sun“ jo „1“ . Jolic cośo, móžośo tež tekst, kótaryž cośo pokazaś, gaž toś to wuměnjenje njejo docynjone, do póla Howac zapódaś. Aby wariablu „sun“ definěrował, klikniśo na rejtarik Wariable, wubjeŕśo „Wariablu nastajiś“, zapódajśo „sun“ do póla Mě a jeje gódnotu do póla Gódnota.
Zapódawańska lisćina	Zasajźujo tekstowe pólo, kótarež jaden zapisk z lisćiny pokazujo. Móžośo zapiski pśidaś, wobźěłaś a wótwónoźeś a jich pórěd w lisćinje změniś. Klikniśo na pólo Zapódawańska lisćina w swójom dokumenśe abo tłocćo +Umsch (⇧)+F9, aby dialog Zapisk wubraś pokazał.
Zapódawańske pólo	Zasajźujo tekstowe pólo, kótarež cośo pśez kliknjenje na njo w dokumenśe wócynił. Móžośo pón tekst změniś, kótaryž se pokazujo.
Makro wuwjasć	Zasajźujo tekstowe pólo, kótarež makro wuwjeźo, gaž na pólo w dokumenśe klikaśo. Aby póloju makro pśipokazał, klikniśo na tłocašk Makro.
Zastupujucy symbol	Zasajźujo zastupujuce pólo do dokumenta, na pśikład za grafiku. Gaž na zastupujuce pólo w dokumenśe klikaśo, dostanjośo naspominanje, zapisk zasajźiś, kótaryž felujo.
Schowany tekst	Zasajźujo tekstowe pólo, kótarež jo schowane, gaž wuměnjenje, kótarež pódawaśo, jo docynjone. Aby toś tu funkciju wužywał, wubjeŕśo – LibreOffice Writer – Naglěd a wuprozniśo kontrolny kašćik Schowany tekst.
Schowany wótstawk	Chowa wótstawk, gaž pódane wuměnjenje jo docynjone. Aby toś tu funkciju wužywał, wubjeŕśo – LibreOffice Writer – Naglěd a wuprozniśo kontrolny kašćik Schowane wótstawki.
Znamuška kombiněrowaś	Kombiněrujo až do 6 znamuškow, aby se ako jadno znamuško zaźaržali. Toś ta funkcija jo jano k dispoziciji, gaž se aziske pisma pódpěraju.

Slědujuce póla daju se jano zasajźiś, jolic wótpowědny pólny typ jo w lisćinje Typ wubrany.

Format

Za funkciske póla se formatowe pólo jano za póla typa zastupujucego póla wužywa. How format objekt póstaja, za kótaryž zastupujucy symbol płaśi.

Wuměnjenje

Zapódajśo how kriterije za póla, kótarež su z wuměnjenim zwězane.

Pótom, Howac

Zapódajśo tekst, kótaryž se ma pokazaś, gaž wuměnjenje jo docynjone, do póla Pón a tekst, kótaryž se ma pokazaś, gaž wuměnjenje njejo docynjone, do póla Howac.

Móžośo teke póla datoweje banki do pólow Pón a Howac z pomocu formata „mě_datoweje_banki.tabelowe_mě.pólne_mě“ zasajźiś.

Jolic tabela abo pólne mě w datowej bance njeeksistěrujo, se nic njezasajźijo.

Jolic se "mě_datoweje_banki.tabelowe_mě.pólne_mě" do pazorkow staja, se wuraz ako tekst zasajźijo.

Pokaz

Zapódajśo tekst, kótaryž cośo w pólu pokazaś. Jolic zastupujuce pólo zasajźujośo, zapódajśo tekst, kótaryž cośo ako pokaz pomocy pokazaś, gaž jo pokazowak myški nad pólom.

Format

Wubjeŕśo makro, kótarež cośo wuwjasć, gaž na pólo klikaśo.

Mě makra

Pokazujo mě wubranego makra.

Zastupujucy tekst

Zapódajśo tekst, kótaryž se ma w zastupujucem pólu zjawiś.

Schowany tekst

Zapódajśo tekst, kótaryž cośo schowaś, gaž wuměnjenje jo docynjone.

Znamuška

Zapódajśo znamuška, kótarež cośo kombiněrowaś. Móžośo maksimalnje 6 znamuškow kombiněrowaś. Toś to nastajenje jo jano k dispoziciji za pólny typ Znamuška kombiněrowaś.

Gódnota

Zapódajśo gódnotu za wubrane pólo.

Makro

Wócynja dialog Wuběrk makrow, źož móžośo makro wubraś, kótarež se wuwjeźo, gaž na wubrane pólo w dokumenśe klikaśo. Toś ten tłocašk jo jano za funkciske pólo „Makro wuwjasć“ k dispoziciji.

Slědujuce wóźeńske elementy se za póla zapódawańskeje lisćiny pokazuju:

Zapisk

Zapódajśo nowy zapisk.

Pśidaś

Pśidawa lisćinje zapisk.

Lisćinowe zapiski

Nalicyjo zapiski. Nejwušy zapisk se w dokumenśe pokazujo.

Wótwónoźeś

Wótwónoźijo wubrany zapisk z lisćiny.

Górjej pśesunuś

Pśesuwa wubrany zapisk w lisćinje górjej.

Dołoj pśesunuś

Pśesuwa wubrany zapisk w lisćinje dołoj.

Mě

Zapódajśo jadnorazowe mě za zapódawańsku lisćinu.

Zapisk wubraś

Toś ten dialog se pokazujo, gaž na pólo zapódawańskeje lisćiny w dokumenśe klikaśo.

Wubjeŕśo zapisk, kótaryž cośo w dokumenśe pokazaś a klikniśo pón na W pórěźe.

Wobźěłaś

Pokazujo dialog Póla wobźěłaś: Funkcije, źož móžośo zapódawańsku lisćinu wobźěłaś.

Pśiducy

Zacynja aktualnu zapódawańsku lisćinu a pokazujo pśiducu, jolic k dispoziciji. Wiźiśo toś ten tłocašk, gaž dialog Zapisk wubraś z +Umsch (⇧)+F9 wócynjaśo.