Prěcne pokaze

How zasajźujośo prěcne pokaze do aktualnego dokumenta. Prěcne pokaze su referencne póla w samskem dokumenśe abo w póddokumentach globalnego dokumenta.

Gaž prěcny pokaz ako pólo zasajźujośo, ma to lěpšynu, až njetrjebaśo pokaze manuelnje pśiměriś, kuždy raz, gaž dokument změnjaśo. Aktualizěrujśo jadnorje póla z F9 a prěcne pokaze se teke w dokumenśe aktualizěruju.

Pśistup k toś tomu pśikazoju …

Z menijoweje rědki:

Wubjeŕśo Zasajźiś – Pólo – Dalšne póla… – Rejtarik: Prěcne pokazki

Wubjeŕśo Zasajźiś – Prěcna pokazka…

Z pówjercha z rejtarikami:

Wubjeŕśo Zasajźiś – Prěcna pokazka….

Wubjeŕśo Reference – Prěcna pokazka….

Ze symbolowych rědkow:

Prěcnu pokazku zasajźiś

Z tastatury:

+ F2

Prěcne pokazki zasajźiś

Typ

Nalicyjo k dispoziciji stojece pólne typy. Aby swójomu dokumentoju pólo pśidał, klikniśo na pólny typ, pón na pólo we wuběrańskej lisćinje a pón na Zasajźiś. Slědujuce póla su k dispoziciji:

Typ	Wóznam
Pokaz nastajiś	Nastajśo cel za prěcny pokaz. Zapódajśo pód Mě mě za prěcny pokaz. Gaž prěcny pokaz zasajźujośo, se mě ako identifikacija w lisćinowem pólu Wuběrk zjawijo. Prěcne pokaze, kótarež se na toś ten nałog zapódawaju, se w dokumenśe HTML ignorěruju. Za cel w dokumentach HTML musyśo cytańske znamje zasajźiś.
Pokaz zasajźiś	Zasajźijo prěcny pokaz do drugeje pozicije w dokumenśe. Wótpowědna tekstowa pozicija musy se nejpjerwjej z „Pokaz nastajiś“ definěrowaś. Howac zasajźowanje prěcnego pokaza njejo móžne, gaž pód Wuběrk pólne mě wuběraśo. W globalnych dokumentach móžośo teke wót jadnogo póddokumenta do drugego wótkazowaś. Źiwajśo na to, až se mě pokaza we wuběrańskem pólu njezjawijo a musy se „z ruku“ zapódaś. W dokumentach HTML se referencne póla, kótarež su se zapódali na toś ten nałog, ignorěruju. Za prěcne pokaze w dokumentach HTML musyśo hyperwótkaz zasajźiś.
Nadpisma	Pólo Wuběrk lisćinu wšych nadpismow pó pórěźe jich naglěda w dokumenśe pokazujo.
Numerěrowane wótstawki	Pólo Wuběrk lisćinu wšych numerěrowanych wótstawkow pó pórěźe jich naglěda w dokumenśe pokazujo. Lisćina wopśimujo: wótstawki z wótstawkoweju pśedłogu, kótarymž jo se šema numerěrowanja w dialogu Rědy – Numerěrowanje nadpismow… pśipokazała. zrědowane lisćinowe wótstawki, formatěrowane ze symboloweju rědku Formatěrowanje abo z dialogom Naliceńske znamuška a numerěrowanje wótstawki, kótarež su z pśedłogu numerěrowaneje lisćiny formatěrowane wótstawki, kótarež su z wótstawkoweju pśedłogu z pśedłogu numerěrowaneje lisćiny sformatěrowane, kótaraž se w rejtariku Rozrědowanje a lisćina nałožujo.
Cytańske znamjenja	Pó zasajźowanju cytańskego znamjenja w dokumenśe z Zasajźiś – Cytańske znamje… buźo zapisk cytańskich znamjenjow w rejtariku Prěcne pokaze wužywajobny. Cytańske znamjenja se wužywaju, aby wěste tekstowe pasaže w dokumenśe markěrowali. W tekstowem dokumenśe móžośo cytańske znamjenja wužywaś, na pśikład, aby wót jadneje pasaže w dokumenśe do drugeje skócył. W dokumenśe HTML budu toś te cytańske znamjenja kokulki <A name>, kótarež na pśikład cel hyperwótkazow póstajaju.
Nožki	Jolic waše dokumenty nožku wopśimuju, móžośo zapisk Nožki wubraś. Pokaz k nožce numer nožki wrośijo.
(Zasajźone objekty z pópisanjami)	Móžośo pokaze na objekty stajiś, kótarež su pópisane. Zasajźćo na pśikład wobraz, klikniśo z pšaweju tastu na wobraz a wubjeŕśo pópisanje. Něnto se objekt ako numerěrowane „zwobraznjenje“ w lisćinje pokažo.

Pokaze su póla. Aby pokaz wótwónoźeł, lašujśo pólo. Jolic dlejšy tekst ako pokaz nastajaśo a njocośo jen znowego zapódaś, za tym až sćo wulašował pokaz, wubjeŕśo tekst a kopěrujśo jen do mjazywótkłada. Móžośo jen pón z pomocu pśikaza Wobźěłaś – Wopśimjeśe zasajźiś… ako „njesformatěrowany tekst“ na samskej poziciji zasajźiś. Tekst se zachowajo, mjaztym až se pokaz lašujo.

Wuběrk

Nalicyjo k dispoziciji stojece póla za pólny typ, kótaryž jo w lisćinje Typ wubrany. Aby pólo zasajźił, klikniśo na pólo, wubjeŕśo format w lisćinje „Pokaz wužywaś“ a klikniśo pón na Zasajźiś.

Aby pólo z lisćiny malsnje zasajźił, źaržćo tastu tłoconu a klikniśo dwójcy na pólo.

Pokaz wužywaś

Wubjeŕśo format, kótaryž cośo za wubrany prěcny pokaz wužywaś. Slědujuce formaty su k dispoziciji:

Format	Wóznam
Numer boka (bźez pśedłogi)	Zasajźujo numer boka, kótaryž cel pokaza wopśimujo.
Kapitel	Zasajźujo numer nadpisma abo numer lisćiny cela pokaza.
Wótkazujucy tekst	Zasajźujo dopołny tekst cela pokaza. Za nožki se numer nožki zasajźujo. Za pópisanja se dopołny pópisanje (kategorija, numer a tekst) zasajźujo.
„Nad“/„Pód“	Zasajźujo „nad“ abo „pód“ wótwisujucy wót městna cela pokaza relatiwnje k poziciji prěcnego pokaza.
Numer boka (z pśedłogu)	Zasajźujo numer boka, kótaryž cel pokaza wopśimujo, w formaśe, kótaryž jo w pśedłoze boka pódany.
Numer	Zasajźujo numer nadpisma abo numerěrowanego wótstawka, inkluziwnje nadrědowane rowniny wótwisujucy wót konteksta. Glejśo pśipisk pód toś teju tabelu za dalšne informacije.
Numer (žeden kontekst)	Zasajźujo jano numer nadpisma abo numerěrowanego wótstawka.
Numer (połny kontekst)	Zasajźujo numer nadpisma abo numerěrowanego wótstawka inkluziwnje wšykne nadrědowane rowniny.
Kategorija a numer	Zasajźujo kategoriju a numer pópisanja (abo mě a gódnota wariable numerowego wobceŕka). Tekst mjazy kategoriju a numerom (abo mjazy mjenim a gódnotu wariable) se teke zasajźijo. Toś to nastajenje jo za wšykne wariable numerowego wobceŕka k dispoziciji inkluziwnje numery pópisanjow.
Pópisański tekst	Zasajźujo wšen tekst, kótaryž kategoriji a numeroju pópisanja slědujo, až do kóńca wótstawka. Toś to nastajenje jo za wšykne wariable numerowego wobceŕka k dispoziciji inkluziwnje numery pópisanjow.
Numer	Zasajźujo numer pópisanja (abo gódnotu numerowego wobceŕka). Toś to nastajenje jo za wšykne wariable numerowego wobceŕka k dispoziciji inkluziwnje numery pópisanjow.

Za formaty „Kapitel“, „Numer (žeden kontekst)“ a „Numer (dopołny kontekst)“ licba pódrowninow, kótarež se za wubrany format pokazuju, wót nastajenja Pódrowniny pokazaś za relewantne rozrědowańske rowniny w Rědy – Numerěrowanje nadpismow… wótwisujo.

Mě

Zapódajśo mě swójskego póla, kótarež cośo napóraś. Aby cel nastajił, klikniśo na „Pokaz nastajiś“ w lisćinje Typ, zapódajśo mě do toś togo póla a klikniśo pón na Zasajźiś. Aby na nowy cel wótkazał, klikniśo na mě cela w lisćinje Wuběrk.

W globalnem dokumenśe se cele, kótarež su w rozdźělnych póddokumentach, w lisćinje Wuběrk njepokazuju. Jolic cośo pokaz na cel zasajźiś, musyśoe sćažku a mě w pólu Mě zapódaś.

Gódnota

Zapódajśo wopśimjeśe, kótarež cośo swójskemu póloju pśidaś.

Jolic tekst w dokumenśe wuběraśo a pón pokaz zasajźujośo, buźo wubrany tekst wopśimjeśe póla, kótarež zasajźujośo.