Dokument

Póla se wužywaju, aby informacije wó aktualnem dokumenśe zasajźili, na pśikład datajowe mě, dokumentowu pśedłogu, statistiske pódaśa, wužywaŕske daty, datum a cas.

Aby pólo do swójogo dokumenta zasajźił, wubjeŕśo nejpjerwjej pólo Typ a klikniśo pón do lisćiny Wubraś, aby informaciski zapisk wubrał, kótaryž se ma zasajźiś a klikniśo pón na Zasajźiś.

Typ

Nalicyjo pólne typy, kótarež su k dispoziciji.

Wubraś

Nalicyjo, kótare informacije daju se za wubrany pólny typ zasajźiś.

Pólne typy a wuběrańske lisćiny, kótarež su k dispoziciji.

Typ	Wuběrańska lisćina
Awtor	Mě abo iniciale aktualnego wužywarja (ako w – LibreOffice – Wužywaŕske daty) zapódane.
Datum	Zasajźujo aktualny datum. Móžośo datum ako njepśeměnjate pólo zasajźiś – Datum (njepśeměnjaty) – kótarež se njezměnja abo ako dynamiske pólo – Datum –, kótarež se awtomatiski aktualizěrujo. Aby pólo Datum manuelnje aktualizěrował, tłocćo F9.
Datajowe mě	Zasajźujo datajowe mě a/abo zapisowu sćažku aktualnego dokumenta ako teke datajowe mě bźez kóńcowki.
Nadpismo	Pokazujo numer nadpisma a/abo wopśimjeśe nadpisma pśed zasajźonym pólom.
Bok	Zasajźujo numer boka aktualnego, pjerwjejšnego abo pśiducego boka.
Paragraph Signature	Zasajźujo pólo metadatow z digitalneju signaturu za wótstawk. Musyśo digitalny certifikat měś, aby wótstawk signěrował.
Wótpósłaŕ	Zasajźujo pólo, kótarež wužywaŕske daty wopśimujo. Móžośo wužywaŕske daty změniś, kótarež se pokazuju, gaž – LibreOffice – Wužywaŕske daty wuběraśo.
Statistika	Zasajźujo dokumentowu statistiku ako pólo, na pśikład licbu bokow a słowow. Aby statistiku dokumenta pokazał, wubjeŕśo Dataja – Kakosći… a klikniśo pón na rejtarik Statistika.
Dokumentowe pśedłogi	Zasajźujo datajowe mě, datajowe mě bźez datajoweje kóńcowki, sćažku abo sćažku a datajowe mě aktualneje dokumentoweje pśedłogi. Móžośo teke mě dokumentoweje pśedłogi a kategoriju aktualneje dokumentoweje pśedłogi zasajźiś.
Cas	Zasajźujo aktualny cas. Móžośo cas ako njepśeměnjate pólo zasajźiś – Cas (njepśeměnjaty) –, kótarež se njezměnja abo ako dynamiske pólo – Cas –, kótarež se awtomatiski aktualizěrujo. Aby pólo Cas manuelnje aktualizěrował, tłocćo F9.

Format

Jolic pólo datum cas abo licbu pokazujo, se pón Format wužywa, aby se naglěd datuma, casa abo licby pśiměrił. Zwucone formaty se we woknje Format pokazuju abo klikniśo na „Pśidatne formaty“, aby swójski format definěrował.

Gaž na „Pśidatne formaty“ klikaśo, se dialog Licbu formatěrowaś wócynijo, źož móžośo swójski format definěrowaś.

Wubjeŕśo za typ Nadpismo format Numer nadpisma, aby numer nadpismao ze źěleńskim znamuškom pokazał, kótarež jo w Rědy – Numerěrowanje nadpisma… pódane.

Wubjeŕśo Numer nadpisma bźez źěleńskego znamuška, aby numer nadpisma bźez źěleńskego znamuška pokazał.

Joli wubrane nadpismo njejo numerěrowane, pólo prozne wóstanjo.

Až do rowniny

Wužywajśo toś to nastajenje z typom Nadpismo, aby pódał, kótare nadpismo ma se pokazaś. Pokazane nadpismo jo prědne pśed pólom, kótaregož rozrědowańska rownina jo jadnučka ako pódana gódnota abo mjeńša ako pódana gódnota.

Wótchylenje

Zapódajśo wótchyleńsku gódnotu, kótaruž cośo na pólo licby boka nałožyś, na pśikład „+1“.

Z nastajenim Wótchylenje gódnoty 1 pólo numer pokazujo, kótaryž jo wó 1 pówušony aktualny numer boka, ale jano, jolic bok z tym numerom eksistěrujo. Na slědnem boku dokumenta jo samske pólo prozne.

Wótchylenje w dnjach/minutach

Zapódajśo wótchylenje, kótarež cośo na datumowe abo casowe pólo nałožyś.