Wobalka

Zapódajśo adresu dostawarja a adresu wótpósłarja za wobalku. Móžośo teke adresowe póla z datoweje banki zasajźiś, na pśikład z datoweje banki adresow.

Dostawaŕ

Zapódajśo adresu dostawarja. Móžośo teke do toś togo póla kliknuś a datowu banku, tabelu a pólo wubraś a pón na šypkowy tłocašk kliknuś, aby pólo do adrese zasajźił. Jolic cośo, móžośo formatěrowanje, na pśikład tucny a pódšmarnjony, na adresowy tekst nałožyś.

Wótpósłaŕ

Zasajźujo adresu wótpósłarja do wobalki. Wubjeŕśo kontrolny kašćik Wótpósłaŕ a zapódajśo pón adresu wótpósłarja. LibreOffice waše wužywaŕske daty do póla Wotpósłar awtomatiski zasajźujo, ale móžośo teke swójske daty zapódaś.

Datowa banka

Wubjeŕśo datowu banku, kótaraž adresowe daty wopśimujo, kótarež cośo zasajźiś.

Tabela

Wubjeŕśo tabelu datoweje banki, kótaraž adresowe daty wopśimujo, kótarež cośo zasajźiś.

Pólo datoweje banki

Wubjeŕśo pólo datoweje banki, kótarež adresowe daty wopśimujo, kótarež cośo zasajźiś a klikniśo pón na šypku nalěwo. Daty se adresowemu póloju pśidawaju, w kótaremž kursor jo.